कैलाली र कञ्चनपुर घटनाको स्थलगत अनुगमनपछि अधिकारकर्मीले यसो भने


प्रकाशित मिति :2018-08-09 17:25:12

–महिला खबर–

ललितपुर । कैलाली र कञ्चनपुरमा भएको बलात्कार घटना विभत्स प्रकृतिको भएको पाइएको छ । राष्ट्रिय महिला आयोग र सङ्कल्प नेपालको टोलीले गत सोमबार र मंगलबार गरेको स्थलगत अनुगमनका क्रममा यस्तो पाइएको हो ।

कञ्चनपुरको भीमदत्त नगरपालिका, २ उल्टाखामकी १३ वर्षीया बालिकाको बलात्कारपछि हत्या भएको थियो ।

यो पनि हेर्नुहोस्

बलात्कारीलाई फाँसीको माग, बालिकाको शव उठ्न दिइएन

बलात्कारपछि हत्या गरिएकी बालिकाको दाहसंस्कार

यस्तै कैलालीकी २१ वर्षिया युवतीको सामूहिक बलात्कारपछि हत्या भएको थियो ।

यो पनि हेर्नुहोस्

‘चौथोले बलात्कार गर्ने बेला उनले प्राण त्यागिन्’

संकल्प नेपालले बिहीबार राष्ट्रिय महिला आयोगमा आयोजना गरेको ‘महिला हिंसा विरुद्ध महिला साझा अभियान’ अन्तरगत छलफलका क्रममा संकल्पकी अध्यक्ष लिली थापाले दुईटै बलात्कारका घटना विभत्स खालका भएको बताइन् ।

प्रहरीले कञ्चनपुरकी १३ वर्षीया बालिकाको हत्यामा संलग्नलाई अहिलेसम्म पनि पक्राउ गर्न सकेको छैन । दोषीको पहिचान गरी पक्राउ गर्न सिआइबीको टोली समेत परिचालित भएको छ । अध्यक्ष थापाले घटनामा राजनीति हुने सम्भावना देखिएको बताइन् ।

थापाले यता कैलालीमा भएको किशोरी घटनामा पीडक पक्राउ गरे पनि पहुँचवाला भएकै कारण उन्मुक्ति पाउन सक्ने संम्भावना देखिएको बताइन् । उनले भनिन्, ‘घटनापछि पीडित युवतीका परिवारलाई आर्थिक प्रलोभन देखाइएको रहेछ ।’

अनुगमनका खटिएका महिला आयोगका सूचना अधिकारी धु्रबराज क्षेत्रीले कैलाली र कञ्चनपुरमा बलात्कार पछि हत्या गरिएका घटनामा अधिकारकर्मीले आवाज उठाइरहेको पाइएको बताए । दुवै परिवारले पीडकलाई हदैसम्मको कारबाहीको माग गरेको क्षेत्रीको भनाइ छ ।

अनुगमनका खटिएकी संकल्पकी महासचिव शोभा बस्नेतले कञ्चनपुरमा १३ वर्षकी बालिका घटनामा बालिका होमवर्क गर्न गएको घरका परिवारलाई आत्मग्लानी नहुनु शंकाको विषय भएको बताइन् ।

यस्तै कैलालीमा भएको किशोरी हत्याका घटनामा पीडितको पक्षबाट मुद्दा लड्ने सरकारी वकिलमा संवेदनशिलता नपाइएको बताइन् ।

छलफलमा राष्ट्रिय महिला आयोगका सचिव अनिल कुमार ठाकुरले ७ नं प्रदेशमा नै अपराधिक घट्ना बढी घटेको भन्दै सरकार संवेदनशिल हुनुपर्नेमा जोड दिए । उनले यस्ता घटना नियन्त्रण गर्न गृहमन्त्रालयले महत्वका साथ लाग्नुपर्ने बताए ।

अधिवक्ता मिरा ढुंगानाले कानून कार्यान्वयन पक्ष नै फितलो हुँदा समस्या देखिने गरेको बताइन् । उनले अपराधमा संलग्न पीडकलाई पनि सुधार गृहमा लग्ने कानूनी व्यवस्थाको आवश्यक रहेको औंल्याइन् ।

डा.छत्र अमात्यले सन्तानलाई असल बाटोमा हिँडाउन उत्साहित गर्नुपर्ने बताइन् ।

थिङ ट्याङका पुकार मल्लले महिलाका विषयमा पुरुषलाई पनि अग्रसर बनाउनुपर्ने बताए । कार्यक्रममा सहभागिले बलात्कार जस्ता घटनालाई अनुसन्धान गर्न छुट्टै निकाय हुनु पर्नेमा जोड दिएका थिए ।

    Comment Here!

Related NEWS
मुख्य खबर

‘फास्ट ट्रयाक’ नहुँदा पीडितलाई झन् पीडा

–महिला खबर– ललितपुर । महिलाविरुद्ध हुने हिंसाका अति संवेदनशील मुद्दाहरूमा छिटो छरितो न्याय प्रणाली (फास्ट ट्रयाक)को

बलात्कारको बढोत्तरी किन ?

–हिसिला यमी– यतिखेर हामी युद्धको बेला हुने बलात्कारको कुरा गरिराखेका छैनौं । घरभित्र आफ्नै परिवारभित्र, आफन्तबाट

‘दोस्रो दर्जा’ को हैसियत विरुद्ध भदौ १ गते प्रदर्शन

‘यो अवस्थामा चुपचाप बस्नु भनेको महिलामाथि हुने दुव्र्यहारलाई स्विकार्नु र एकल आमाका काखमा हुर्केका ९

खोला र महिला (फोटो फिचर)

–महिला खबर– हरडेको खोलाले पुल बगाएपछि महिला, बालबालिका, वृद्धवृद्धा तथा अपांगता भएका व्यक्तिहरुलाई खोला वारपार गर्न

प्यारालाईसिसबाट पीडित लीलावतीको याचना

–महिला खबर– ललितपुर । प्यारालाईसिसबाट पीडित पर्साको सखुवा पर्सौनी गाउँपालिका वडा नं.५ महुवन (सविक गाविस

Read more
ताजा अपडेट
© 2015.All rights reserved by mahilakhabar.com
%d bloggers like this: