सामूहिक बलात्कार घटनामा मिलापत्र गर्न दबाब


प्रकाशित मिति :2018-08-08 12:58:43

–महिला खबर–

ललितपुर । स्याङ्जाको हरिनाथ गाउँपालिकामा गएको वैशाख २४ गते भएको सामूहिक बलात्कारमा मिलापत्र गर्न धम्की आएको पीडित परिवारले बताएका छन् ।

जेठ २४ गते घरबाट सामान किन्न गएकी २० वर्षीया दलित युवतीलाई तनहुँको भिमाद घर भई सोही ठाउँमा बस्दै आएका ३८ वर्षीय गंगा सिंह राना र धन सिंह परियारले बलात्कार गरेका आरोप लगाइएको छ ।

पीडित युवतीका बुबाले महिला खबरसँग कुरा गर्दै भने, ‘मगर परिवारले घटना मिलाउनुस् राहत दिन्छाै‌ भनेर आश्वासन दिने गरेका छन् । राहतको आश्वासन दिँदै घरमा समेत आउने गरेका छन् ।’ तर आफ्नो परिवार छोरीको न्यायका लागि कुनै पनि हालतमा बलात्कारीसँग मिल्न तयार नरहेको उनले बताए ।

पीडक युवतीका भाइले वडा कार्यालयका जनप्रतिनिधिहरुले समेत घटना मिलाउन दवाव दिने गरेको बताए । छोरी बलात्कृत भएको थाहा पाएसँगै युवतीका बुबाले जेठ २६ गते इलाका प्रहरी कार्यालयमा उजुरी दिएका थिए । उजुरीकोे आधारमा प्रहरीले परियारलाई पक्राउ गरेको थियो भने मगर अझै फरार रहेका छन् ।

यसरी भएको थियो घटना

जेठ २५ गते दिउँसो ४ बजे युवती पसलमा सामान किन्न गएकी थिइन् । घरदेखि २० मिनेटको बाटोमा सामान किनेर नफर्केपछि उनका परिवारले खोजी गरे । तर फेला पारेनन् । युवती राती १२ बजे आफू बलात्कृत भएको भन्दै रुँदै कराउँदै घर फर्किएकी थिइन् ।

को हुन् मगर र परियार

मगर र परियार दुई जना साथी हुन् । उनीहरु एक महिनादेखि सोही ठाउँमा बस्दै आएका थिए । मगर ट्याक्टर चालक हुन् भने परियार घर बनाउने काममा मजदुर गर्थे । सोही दिन साँझमा बाटो नजिकै रहेको उनीहरु बसेको घरमा लगेर बलात्कार गरेको आरोप लगाईएको छ ।

परियार थुनामा, मगरलाई वारेन्ट जारी गर्ने तयारी

जिल्ला प्रहरी कार्यालयका प्रहरी नायव निरीक्षक चन्द्रबहादुर भुजेलले बलात्कारका आरोपी परियार पूर्पपक्षका लागि थुनामा राखिएको बताए । फरार रहेका मगरको खोजी भइरहेको र वारेन्ट जारी गर्ने तरखरमा रहेको प्रनानि भुजेलले महिला खबरलाई जानकारी दिए ।

    Comment Here!

Related NEWS
मुख्य खबर

‘फास्ट ट्रयाक’ नहुँदा पीडितलाई झन् पीडा

–महिला खबर– ललितपुर । महिलाविरुद्ध हुने हिंसाका अति संवेदनशील मुद्दाहरूमा छिटो छरितो न्याय प्रणाली (फास्ट ट्रयाक)को

बलात्कारको बढोत्तरी किन ?

–हिसिला यमी– यतिखेर हामी युद्धको बेला हुने बलात्कारको कुरा गरिराखेका छैनौं । घरभित्र आफ्नै परिवारभित्र, आफन्तबाट

‘दोस्रो दर्जा’ को हैसियत विरुद्ध भदौ १ गते प्रदर्शन

‘यो अवस्थामा चुपचाप बस्नु भनेको महिलामाथि हुने दुव्र्यहारलाई स्विकार्नु र एकल आमाका काखमा हुर्केका ९

खोला र महिला (फोटो फिचर)

–महिला खबर– हरडेको खोलाले पुल बगाएपछि महिला, बालबालिका, वृद्धवृद्धा तथा अपांगता भएका व्यक्तिहरुलाई खोला वारपार गर्न

प्यारालाईसिसबाट पीडित लीलावतीको याचना

–महिला खबर– ललितपुर । प्यारालाईसिसबाट पीडित पर्साको सखुवा पर्सौनी गाउँपालिका वडा नं.५ महुवन (सविक गाविस

Read more
ताजा अपडेट
© 2015.All rights reserved by mahilakhabar.com
%d bloggers like this: