एचआइभी : कम जोखिमका महिलामा बढी संक्रमण


प्रकाशित मिति :2018-06-25 12:38:53

– मन्जुला भट्टराई–
काउन्सिलर, एआरटी सेन्टर वीर अस्पताल

राष्ट्रिय एड्स तथा यौन रोग नियन्त्रण केन्द्र टेकुका अनुसार नेपालमा ३२ हजार ७ सय ३५ जना व्यक्ति एचआईभी संक्रमित छन् । जसमध्ये १२ हजार ५ सय ३ जना महिला छन् ।

अहिले ७ हजार ३५ महिला उपचाररत छन् । महिला र पुरुषमा एचआईभी एड्स सर्ने तरिका उस्तै हो । अझ केही त्यस्ता जनसंख्या छन् जसलाई एचआईभी सर्ने सम्भावना बढी हुन्छ । ति भनेका महिला र पुरुष सेक्स वर्करहरु हुन् ।

अर्को भनेको लागूऔषध प्रयोगकर्ता । जुन महिला, पुरुष लागूऔषध प्रयोगकर्ता छन् । यस्तै वैदेशिक रोजगारीमा रहेका व्यक्तिहरु पनि यसको जोखिममा छन् ।

अर्को जनसंख्या भनेको समलैंगिक यौन सम्पर्क राख्ने व्यक्ति । यद्यपी, तथ्याङ्क हेर्दा भने हामीले संक्रमणको जोखिम कम भएका भनेका महिलाहरुमा बढि देखिएको छ ।

मुख्य प्रश्न यो को कि, कम जोखिम भएका महिलामा किन बढी संक्रमण देखिएयो ? न त उनीहरु सेक्स वर्कर हुन् । न ड्रक्सका प्रयोगकर्ता नै । तर उनीहरुलाई आफ्नै श्रीमानबाट एचआइभी सर्ने सम्भावना बढी हुन्छ । जोखिमपूर्ण व्यवहार उनीहरुले आफ्नो तर्फबाट गरेका हुँदैनन् तर श्रीमानबाटै एचआईभी हुने महिलाहरु धेरै छन् ।

त्यसैले यस्ता महिलाले आफ्नो सुरक्षामा ध्यान दिनुपर्छ । महिलाहरु सचेत हुनुपर्छ । सुरक्षित यौन सम्पर्क राख्ने, सुईहरुको प्रयोग गर्दा सावधानी अपनाउने गर्नुपर्छ ।

महिलाहरु लागुऔषध प्रयोगकर्ता पनि छन् । आफूले बच्चालाई एचआईभी नसार्नका लागि गर्भवती अवस्थामा अनिवार्य गर्भ जाँच गर्ने जुन सरकारले नै व्यवस्था गरेको छ ।

रगत दिनुपर्दा वा लिनुपर्दा जाँच गरेर मात्रै प्रयोग गर्ने । यी कुरा सबैको लागि लागू हुने कुरा हो । तर कम जोखिम छन् भनिएका महिलाहरुमा पनि आफ्नो श्रीमान श्रीमतीबीच विश्वसनीयता हुनुपर्छ । आफ्नो श्रीमानमा पनि जोखिम छ भन्ने शंका लाग्छ भने रगत जाँच गराउनुपर्छ ।

एक किसिमले रगत जाँच गरेर उपचारको दायरामा ल्याउनु भनेको अर्को मान्छेलाई एचआइभी संक्रमण हुन नदिनु हो । यदि कुनै महिलाको श्रीमान एचआईभी सर्ने जोखिममा हुनुहुन्छ भने उहाँको त्यस अवस्थामा थाहा नहुँदा महिलालाई पनि एचआईभी सर्ने सम्भावना बढी हुन्छ ।
श्रीमानको रगत जाँचपछि एचभाईभी पोजेटिभ, वा नेगेटिभ छ भन्ने थाहा भयो भने पोजेटिभ रहेछ भनेपनि महिलाले बेलैमा आफूलाई सर्नबाट रोक्न कन्डमहरु प्रयोग गर्न सक्दछन् । पहिलो कुरा त रगत परीक्षण गर्नु नै आफैँमा एउटा राम्रो उपाय हो ।

एचआइभी संक्रमितमा पुरुषको तुलनामा महिला कम नै छन् । तर महिलाहरु कम जोखिम भन्न मिल्दैन् । हाम्रो सेन्टरमा महिलाहरु परीक्षण, काउन्सेलिङको लागि आइराख्नुहुन्छ । यहाँ हामी जाँच भन्दा पनि यो सम्बन्धि बढी जानकारी दिन्छौ ।

रगत जाँच गर्नुभन्दा पहिले काउन्सेलिङ गर्ने, त्यसपछि के गर्दा राम्रो, के गर्दा नराम्रो, औषधि शुरु गर्नुभन्दा अगाडि के कुरामा ध्यान दिने भन्ने बारेमा काउन्सेलिङ गर्छौं ।

अर्को एचआइभी भएका महिला वा पुरुष दुबैलाई व्यक्तिगत समस्या हुन्छ । एचआइभी भएका व्यक्तिलाई समाजले हेर्ने नजर फरक छ । उनीहरुले समाजमा विभेद झेल्नुपर्ने, बाहिर खुलेर कुरा गर्न नसक्ने हुनुसक्छ । उहाँहरुका सबै कुरा सुन्ने र परामर्श दिने काम हामी सेन्टरबाट गर्छौं ।

हाम्रो सेन्टरमा महिलाहरु आउनुहुन्छ । यहाँ काउन्सेलिङका लागि रेगुलर आइराख्ने, औषधीहरु, रगत टेष्ट गर्ने महिला दैनिक २० देखि ३० जना हुन्छन् । त्यसमा पोजेटिभ देखिएका महिलालाई परामर्श दिनुपर्छ ।

एचआईभी भएका महिलाबाट जन्मिएका बच्चामा एचआईभी सर्ने सम्भावना धेरै हुन्छ । त्यसले गर्भवस्था, प्रसव, प्रसूती र स्तनपान गराउँदा विशेष ध्यान दिनुपर्छ ।

जोखिम न्यूनिकरण गर्न गर्भवस्थामा के गर्ने भनेर सरकारले नै प्याकेज बनाएको छ । जसले गर्दा गर्भ परीक्षण गराउनुपर्छ भन्ने हुन्छ ।
यदि कुनै महिला वा पुरुषलाई एचआइभी लागि हालेमा हामी एआरटी भन्ने औषधी खान सल्लाह दिन्छांै । जसले भाइरसको मात्रा एकदम कम बनाउँछ ।

एचआइभी भएका व्यक्तिका शरीरमा जति धेरै भाईरस भयो त्यति सर्ने सम्भावना पनि बढी हुन्छ । तर औषधीको मात्रा पुग्यो भने सर्ने सम्भावना कम हुन्छ ।

एचआइभी संक्रमित महिला यदि गर्भवती छिन् भने प्रसूती गराउँदा सुरक्षित ठाउँमा गराउनुपर्छ । बच्चालाई एचआइभी स¥यो कि सरेन भनेर परीक्षण गराउनुपर्छ ।

अहिलेको स्थितिमा हेर्दा जे कारणले महिलाहरुमा एचआइभी सरेपनि भेदभाव छ । कम जोखिमका महिलाहरुमा बढी सरेको अवस्था छ ।

उनीहरुले केही गल्ती गरेकै हुँदैनन् तर पनि उनीहरु पीडित छन् । त्यो भनेको उनीहरु आफूले विश्वास गरेको श्रीमानबाटै एचआइभी संक्रमित हुन बाध्य हुन्छन् । हामीसँग खुल्नुहुन्छ तर समाजमा खुल्न चाहनुहुन्न । हामी उहाँको परिचय गोप्य राख्छौं । उहाँहरु पनि गोप्य नै राख्न चाहनुहुन्छ ।

महिलाहरु आफ्नो नजिकको एआरटी सेन्टरमा औषधी नखाने र अलि टाढाको सेन्टरमा गएर औषधि खाने चलन त्यहि कारण हो । उनीहरु समाजमा खुल्न चाहदैनन् ।

प्रस्तुती : सन्दिप वि.क

    Comment Here!

Related NEWS
मुख्य खबर

पत्रकार महिलालाई फुटबल प्रशिक्षण

–महिला खबर– ललितपुर । नेपाल पत्रकार महासंघको महिला समितिले फुटबल प्रतियोगिता गर्ने भएको छ ।

कानून मन्त्रीले माफी मागे (भिडियोसहित)

–महिला खबर– ललितपुर । बंगलादेशमा डाक्टर पढ्न गएका युवतीहरुको विषयमा आफूले बोलेको कुराप्रति कानून, न्याय तथा

महिला सदस्यलाई भैंसीको पाडी

–महिला खबर– वनले विपन्न आर्थिक अवस्थाका महिला उपभोक्ताको आर्थिक उन्नतिका लागि भैंसी उपहार दिएको बताएको छ

एलबीटी भन्छन्, ‘हाम्लाई छिःछि र दूर दूर किन ?’

–महिला खबर– ‘एक त छोरी । त्यसमाथि फरक पहिचान भएकै कारण विभेदमा परेको छौँ’ उनीहरुले भने

दुई पत्रकारसहित सातै प्रदेशका अधिकारकर्मी महिला पुरस्कृत

–महिला खबर– पुरस्कार प्रदान गर्दै महिलामन्त्री थापाले नेपाली महिलाको राजनैतिक क्षेत्रमा सहभागिता बढे पनि सामाजिक र

Read more
ताजा अपडेट
© 2015.All rights reserved by mahilakhabar.com
%d bloggers like this: