तिमीहरुको गंगामाया फेरी अनसन बसेकी छिन् नि !


प्रकाशित मिति :2018-06-11 10:00:02

– रसना ढकाल-

मुसलधारे पानी परिरहेको थियो । म नियमित काम बाट घर फर्किन गोगंबु चौकमा भक्तपुरको गाडि कुरिरहेको थिएँ । त्यतिकैमा एक परिचित सर र म्यामलाइ उहाहरुको आफ्नै गाडिमा देखे । उहाँहरुको गाडि मेरो अघि राेकियाे ।

– रसना ढकाल-

देख्ने बित्तिकै मैले भनें, ‘नमस्कार ! आरामै हुनुन्छ सर ?’

जवाफमा सरले भने, ‘नमस्कार नानी । आजभोली वीर अस्पताल जाँदैनौ ?’

उनको प्रश्न सुनेर म आश्चर्यमा परें । भनें, ‘किन र सर ?’

‘तिमीहरुको गंगामाया फेरी अनसन बसेकी छिन् नि ! थाहा छैन र तिमिलाई ?’ उनको प्रश्न थियो ।

‘अँ सर । गंगामायाले फेरि अनसन सुरु गर्नुभएछ । यस्तै हो न्याय माग्नु नै अपराध रहेछ ।’ मैले भने ।

‘त्यहि त फेरी तिमीहरु जाउ न । सरकारको भन्दा पनि तिमीहरुको कुरा गंगामायाले मान्छिन् । गएर अनसन तोडाइ देउ तिमिहरुले ।’ उनले थपे ।

असमञ्जसमा परें । जवाफ दिने शब्द आएन । र चुप बसें । त्यसपछि कुुरा टुंङग्याएँ, ‘सर मेरो गाडि आयो म जान्छु है ।’ अजि त्यहाँबाट हिँडे ।

त्यो छोटोभेटमा ति सरले मलाई भनेको ‘तिमीहरुको गंगामाया त फेरी अनसन बसेकी छिन् नि ! शब्दले मेरो दिमाग घुमायो ।

बाटोभरि मलाई सरले भन्नु भएको त्यो शब्दले बारम्बार घोचीरह्यो । उनको भनाई सुन्दा यस्तो लाग्थ्यो, गंगामाया आफ्नो समस्याले अनसन बसेकी होइनन् । बरु अधिकारकर्मीहरुले उस्काएर बसेकी हुन । उनले अनसन बसेर अपराध गरेकी छिन् ।

के आफु माथि अन्याय पर्दा राज्य सामु न्याय माग्नु अपराध हो ? एक नागरिकको न्यायिक यात्रामा जो कोहिले पनि साथ दिन्छ भने के त्यो अपराध हो ? ति आमा जो अनसनमा छिन् एक नागरिकको हैसियतले राज्य सामु कानूनी उपचारको लागि माग गर्नु उनको नैसर्गिक अधिकार होइन ?

आफनो सन्तानको हत्यारालाई कारबाहीको माग गर्दा गर्दै नन्दप्रसाद (गंगामायाको श्रीमान्) को २०७१ असोज ६ गते प्राण गयो । श्रीमानको लडाईंमा सँगै रहेकी गंगामाया आज पनि छोराको हत्यारालाई कारबाहीको माग गरिरहेकी छिन् । एउटा न्यायप्रेमी सरकारले उनको दर्द बुझ्नु पर्दैन ?

हुन त मैले पाएको जस्तो टीप्पणी सामाजिक क्षेत्रमा काम गर्ने हरेक महिला या पुरुषले बारम्बार पाउँछन् । तर, केही व्यक्तिले उकासेको ठानी एक आमाले माग गरेको न्यायप्रति सरकारले नजरअन्दाज गर्न मिल्छ ?

यदि गंगामायाले झुठो रुपमा अनसन बसेको भए उनको नाम जोडेर अरुलाइ भन्न सायद सुहाउँथ्यो । तर, एक आमा जसले द्वन्द्वमा निरअपराधी छोरा गुमाएकी छिन् । न्याय माग्दा माग्दै श्रीमान गुमाएकी छिन । परिवार उजाडिएको छ । जसको पक्षमा स्वयं उनका परिवार बोल्न सक्दैनन् हो तिनको न्यायको पक्ष लिँदा एक नागरिकको हैसियतमा मेरो दोष के ?

स्मरण गराउन चाहन्छु, कुरा २०७०/७१ सालको हो । म एक मानवअधिकारसँग सम्बन्धित संगठनमा ३ महिना आवद्द भएर वीर अस्पतालमा गोरखा फुजेलका अधिकारी दम्पतिको अनसनको दैनिक स्वास्थ्यको अनुगमनको साथै यस विषयमा राज्यले के गरिरहेको छ भनेर खोजखबर गरिरहेको हुन्थें ।

त्यतिबेला अस्पताल र सिहदरबारसँग नजिक भएर काम गरेको थिएँ । त्यसमा मलाई मानवअधिकारकर्मीहरुको साथै सिहदरबारबाट एकदमै सहयोग भएको थियो ।

धेरै पटक राज्यका प्रमुखहरुले अधिकारी दम्पतीलाई अनसन तोड्न अनुरोध पनि गरे । तर घटनाको भित्री पटो राजनिति दलसँग जोडिएको कारण राज्यले पनि हत्यामा आरोपितहरुलाई न समाउन त सक्यो न कारबाही अघि बढाउन नै । पछि यहि कारणले गर्दा व्यवस्थापिका संसद नै अवरुद्ध भएपछि आरोपित व्यक्तिहरु थुना मुक्त भए ।

तत्कालिन प्रधानमन्त्री सुशील कोइरालाले अधिकारी दम्पतिको किटानी जाहेरीमा परेका १३ जनालाई समाउन आदेश दिएका थिए । पछि तिनीहरु पनि धरौटिमा रिहा भए । अधिकारी दम्पतीको न्यायको लागि राज्यले कोशिश गरेको हो तर राजनीतिक मुद्दा भएको कारण यो घटनाले झनै विकराल रुप लियो ।

२०७१ असोज ६ गते सोमवार साँझ ५ बजे वीर अस्पतालको पुरानो आइ.सि.यु.मा अनसनको ३ सय ३३ दिनको दिन नन्दप्रसाद अधिकारीको मृत्यु भयो । त्यसपछि झनै ठुलो मुद्दा भयो ।

नन्दप्रसाद अधिकारीको मृत्यु पुर्व नै संयुक्त राष्ट्रसंघको मानवअधिकार समितिमा पनि अधिकारी दम्पतिको अनसनको चर्चा भैरहेको थियो । यता सरकारलाई पनि संयुक्त राष्ट्रसंघबाट अनसन तोडाउन आग्रह भएको थियो ।

यहि क्रममा नन्दप्रसादको अनसनकै क्रममा मृत्यु भयो । त्यसपछि गंगामायाको अनसनको एकल यात्रा सुरु भयो । जुन आजको मितिसम्म पनि चलिरहेको छ । योबीचमा चितवन जिल्ला अदालतमा चलेको मुद्दाको फैसला विरुद्ध पुनरावेदन अदालत हेटौंडामा मुद्दा चल्यो ।

त्यहाँ पनि जिल्ला अदालतकै फैसला सदर भएपछि फेरी सर्वोच्च अदालतमा गंगामायाले हत्यारा पक्राउ गरि कारवाहिको माग गर्दै गंगामायाले मुद्दा हालिन् । अन्तत : २०७२ पौष ६ गते आरोपितहरु मध्ये छविलाल पौडेललाई थुनेर कारबाही गर्ने आदेश भएपछि उनको अनसन यात्रा टुङ्गिएको थियो ।

अदालतले दिएको आदेशको पालना राज्यले नगरेको कारण फेरी गंगामायाले अनसन सुरु गरिन । तर उहाँको पक्षमा लडिरहेका अधिवक्तहरु, मानव अधिकारकर्मीहरुको आह्वानमा अनसन तोडिन् । यस्तै गर्दै ति आमाको १३ वर्ष देखिको न्यायको लडाईं चलिरहेको छ ।

गंगामायाको न्यायको लडाईंलाई यो वा त्यो नामको आक्षेप लगाएर समाजका कथित गन्यमान्यहरु हत्तोसाहित बनाउँछन् । के सम्मानपुर्वक बाँच्न पाउनु एक नागरिकको अधिकार होइन ?

    Comment Here!

Related NEWS
मुख्य खबर

पत्रकार महिलालाई फुटबल प्रशिक्षण

–महिला खबर– ललितपुर । नेपाल पत्रकार महासंघको महिला समितिले फुटबल प्रतियोगिता गर्ने भएको छ ।

कानून मन्त्रीले माफी मागे (भिडियोसहित)

–महिला खबर– ललितपुर । बंगलादेशमा डाक्टर पढ्न गएका युवतीहरुको विषयमा आफूले बोलेको कुराप्रति कानून, न्याय तथा

महिला सदस्यलाई भैंसीको पाडी

–महिला खबर– वनले विपन्न आर्थिक अवस्थाका महिला उपभोक्ताको आर्थिक उन्नतिका लागि भैंसी उपहार दिएको बताएको छ

एलबीटी भन्छन्, ‘हाम्लाई छिःछि र दूर दूर किन ?’

–महिला खबर– ‘एक त छोरी । त्यसमाथि फरक पहिचान भएकै कारण विभेदमा परेको छौँ’ उनीहरुले भने

दुई पत्रकारसहित सातै प्रदेशका अधिकारकर्मी महिला पुरस्कृत

–महिला खबर– पुरस्कार प्रदान गर्दै महिलामन्त्री थापाले नेपाली महिलाको राजनैतिक क्षेत्रमा सहभागिता बढे पनि सामाजिक र

Read more
ताजा अपडेट
© 2015.All rights reserved by mahilakhabar.com
%d bloggers like this: