बोक्सा–बोक्सी आरोपमा गाउँलेको यातना, न्याय माग्न काठमाडौं


प्रकाशित मिति :2018-05-15 17:50:54

–महिला खबर–

ललितपुर । बोक्सीको आरोपमा एक दशकदेखि छिमेकीको यातना सहदै आएका दम्पती न्याय खोज्दै राजधानी आइपुगेका छन् ।

बोक्सी आरोपमा छिमेकीकै यातना सहदै आएका सर्लाहीको इश्वरपुर नगरपालिका ४, सागरनाथका जयबहादुर योञ्जन र गोरीमाया योञ्जन न्यायका लागि राजधानी पुगेका हुन् ।

योञ्जन दम्पतीले गाउँलेले आफ्नो परिवारलाई बोक्सी भन्दै यातना दिने क्रम नरोकिए पछि न्यायको पहल गरिदिन आग्रह समेत गरेका छन् ।

बोक्सी आरोपमा २०६४ सालदेखि कुटपिट, गाली बेइज्जती र अपमान सहदै आएका योञ्जन दम्पतीले न्यायका लागि ईलाका प्रहरी कार्यालय भक्तिपुर जाने गरेको तर पटकपटकको उजुरीलाई वेवास्ता गर्दै प्रहरीले मिलापत्र गराएर फर्काउने गरेको गुनासो गरे ।

‘प्रहरीले उल्टै हाम्लाई नै थर्काउँछ । तिमीहरू नै दोषी हो भन्छ । मिल्नु पर्छ भन्दै हाम्लाई कुटपिट गर्ने र गाली बेइजती गर्नेहरूसँग माफी माग्न लगाउँछ’ गोरीमाया योञ्जनले महिला खबरसँग भनिन् ।

जिल्लामा प्रहरीले पीडककै पक्षमा बोल्ने र आफूलाई थुनामा समेत राखेर यातना दिए पछि काठमाडौं गएर आफ्ना कुरा राख्नुपर्छ भन्दै राजधानी पुगेको गोरीमायाले बताइन् ।

बोक्सी आरोप लगाउनेलाई कारबाहीको माग गर्दै ईलाका प्रहरी कार्यालयमा जाँदा प्रहरीले जयबहादुर र उनका छोरालाई उल्टै थुनामा राखेको गोरीमायाले बताइन् ।

यो दम्पतीले २०६४ सालमा स्थानीय अमित योञ्जन, धनबहादुर पाख्रिन देवे भनिने देवु योञ्जनबाट पहिलोपटक बोक्सा बोक्सी भन्दै यातना पाएको बताए । आफूहरू मात्रै नभएर आफ्ना दुई छोरा र तीन छोरीहरू समेतले बोक्सा बोक्सीको आरोपमा गाउँमा हेला, यातना र कुटपिट सहनु परेको उनीहरूले बताए ।

स्थानीय सीता भण्डारी, धनबहादुर पाख्रिन, मनोज योञ्जन, लक्ष्मी वम्जन लगायतले समेत बोक्सीको आरोपमा पटकपटक कुटपिट र गालीबेइजती गर्दै आएको जयबहादुरले बताए ।

बोक्सी हुन्छ वा हुन्न भन्ने बारेमा समेत अनभिज्ञ गरिब तथा अशिक्षित योञ्जन दम्पती गाउँलेको यातनाको श्रृंखला नरोकिए पछि काठमाडौंका मान्छेले आफ्नो पीडा सुनिदिन्छन् कि भन्दै आएको बताए ।

‘उजुरी कहाँ दिने पनि थाहा छैन । कसैले सहयोग गरिदिए हुन्थ्यो’ ५६ वर्षीय जयबहादुर योञ्जनले भने, ‘१० वर्ष भन्दा बढी सहेरै बस्यौं । तर पनि हाम्लाई आरोप लगाउने र कुटपिट गर्ने काम रोकिन्न । आखिर हाम्रो के दोष छ ?’ उनले आफूहरू गरिब र लेखपढ गर्न समेत नजान्ने भएकै कारण स्थानीय प्रहरीले उल्टै डर धम्की देखाएर आफ्ना कुरा नसुनेको आरोप लगाए ।

जयबहादुर योञ्जनले २०७४ पुस १७ गते बोक्सीको आरोप लगाई समाजबाट बहिष्कार समेत गर्न खोजेको भन्दै आवश्यक कारबाहीका लागि इश्वरपुर नगरपालिकाको कार्यालय केशरजंग वयलवास सर्लाहीमा समेत उजुरी दिएका छन् ।

उनले बोक्सीको आरोप लगाई समाजबाट बहिष्कार गर्न खोज्ने लंकमान योञ्जन, अमित योञ्जन र कान्छा भनेर बोलाइने अमर भण्डारी विरुद्ध नगरपालिकामा दिइएको उजुरीको अहिलेसम्म कुनै सुनवाई नभएको गुनासो गरे ।

त्यसका साथै स्थानीय सीता भण्डारी, धनबहादुर पाख्रिन, मनोज योञ्जन, लक्ष्मी वम्जन लगायतले समेत बोक्सीको आरोपमा पटकपटक कुटपिट र गालीबेइजती गर्दै आएको जयबहादुरले बताए ।

आफूहरूलाई बोक्सी आरोपमा एक दशकदेखि दुःख दिने व्यक्तिलाई कारबाही गरी न्यायको लागि पहल गरिदिन आग्रह गर्दै राजधानी पुगेको योञ्जन दम्पतीले अब कुनै पनि हालतमा पीडकलाई माफी नदिने अडान कसेका छन् । उनीहरूले कानुनी लडाइँमा सहयोग गरि न्याय दिलाइदिन सरोकालवाला पक्षसँग आग्रह समेत गरेका छन् ।

    Comment Here!

Related NEWS
मुख्य खबर

‘फास्ट ट्रयाक’ नहुँदा पीडितलाई झन् पीडा

–महिला खबर– ललितपुर । महिलाविरुद्ध हुने हिंसाका अति संवेदनशील मुद्दाहरूमा छिटो छरितो न्याय प्रणाली (फास्ट ट्रयाक)को

बलात्कारको बढोत्तरी किन ?

–हिसिला यमी– यतिखेर हामी युद्धको बेला हुने बलात्कारको कुरा गरिराखेका छैनौं । घरभित्र आफ्नै परिवारभित्र, आफन्तबाट

‘दोस्रो दर्जा’ को हैसियत विरुद्ध भदौ १ गते प्रदर्शन

‘यो अवस्थामा चुपचाप बस्नु भनेको महिलामाथि हुने दुव्र्यहारलाई स्विकार्नु र एकल आमाका काखमा हुर्केका ९

खोला र महिला (फोटो फिचर)

–महिला खबर– हरडेको खोलाले पुल बगाएपछि महिला, बालबालिका, वृद्धवृद्धा तथा अपांगता भएका व्यक्तिहरुलाई खोला वारपार गर्न

प्यारालाईसिसबाट पीडित लीलावतीको याचना

–महिला खबर– ललितपुर । प्यारालाईसिसबाट पीडित पर्साको सखुवा पर्सौनी गाउँपालिका वडा नं.५ महुवन (सविक गाविस

Read more
ताजा अपडेट
© 2015.All rights reserved by mahilakhabar.com
%d bloggers like this: