उपमेयरको पहलमा बबिता १२ वर्ष पछि जञ्जिर मुक्त, उपचारमा समस्या


प्रकाशित मिति :2018-05-15 16:54:27

-महिला खबर-
सप्तरी । १२ वर्षसम्म गाईको गोठमा फलामको जञ्जिरमा बाधिएकी सप्तरीकी एक महिला जञ्जिर मुक्त भएकी छन् ।
१२ वर्ष पहिले मानसिक सन्तुलन गुमेपछि फलामको जञ्जिरमा गाई गोठमा बाँधिएकी सप्तरीको विष्णुपुर गाउँपालिका–६ रञ्जीतपुरकी २८ वर्षिया बबिता यादवलाई राजबिराज नगरपालिकाकी उपमेयर साधना झाको पहलमा सुरक्षा गृहमा राखिएको हो ।

२०६२ सालमा बेल्ही चपेना गाउँपालिका–६, फकिरा निवासी अग्निदेव यादवसँग बबिताको विवाह भएको भएको थियो ।
विवाहमा बबिताका आमाबुबाले माग अनुसारको दाईजो दिएको तर एउटा पलङ्ग मात्र दिन बाँकी भएका कारण अग्निदेवको परिवारले मानसिक यातना दिदाँ बबिताको मानसिक अस्वस्था बिग्रिएको माइती पक्षको भनाइ छ ।

बबितालाई महिला तथा बालबालिका कार्यालयको सुरक्षा गृहमा राखे पनि उपचार गराउने पैसा कहाँबाट जुटाउने भन्ने समस्या भएको उपमेयर साधनाले महिला खबरलाई बताइन् । आफ्नै जिल्लामा गाई गोठमा बाधिएकी युवती बाँधिएको समाचार र फोटो फेसबुकमा भेटे पछि उनको उद्धार गरेको पनि झाले बताइन् ।

‘यो घट्ना बारे विष्णुपुर गाउँपालिकाकी उपाध्यक्ष जलधिरा यादबलाइ खबर गरेर बबिताको घरमा गएँ । उनलाई बाँधिएको गोठबाहिर बाख्रा थिए । उनलाई अध्यारो गोठमा फलामको जञ्जिरले बाँधेको देख्दा निकै नरमाइलो लाग्यो । शरीरको माथिल्लो भागमा लुगासमेत थिएन । अध्यारो गोठमा गोरुलाई भन्दा कसिलो गरेर बाँधिएकी बबितालाई मुक्त गर्न पाउँदा खुसी लागेको छ’ उपमेयर झाले भनिन् ।

उपमेयर झाले बबिताको उपचारमा सहयोग गरिदिन समेत सबैलाई आग्रह गरेकी छन् । बबिताको माइतीको अवस्था एक छाक खान समेत नपुग्ने छ । २०६२ सालमा आफूसँग भएको दुई कठ्ठा जमिन बेचेर बहिनीको विवाह गरिदिएका बबिताका दाजु विशेश्वर यादवले उपचार गर्न नसकेर बाध्य भई बहिनीलाई यसरी राखेको बताए ।

दाइजोका कारण श्रीमानको परिवारले दिएको शारीरिक र मानसिक यातना मनमै गुम्साएर राख्दा बबिताको मानसिक सन्तुलन गुमेको पनि यादवले बताए ।

‘त्यतिकै छोड्दा लुगा च्यात्ने, एकोहोरो हिँड्ने, रुने कराउने, अरुलाइ गाली गर्ने गरेपछि गोठ भित्रै बाँधेर राखिएको हो’ उनले भने, ‘आफूले भ्याएसम्मको उपचार गराउँदा पनि सुधार भएन । बाहिर लिएर ठूलो अस्पतालमा भर्ना गर्ने पैसा थिएन ।’

बहिनीको मानसिक सन्तुलन गुमेपछि उनलाई घरमा ल्याएर राखेको यादवले बताए । ज्वाइँ अग्निदेवले भने बबितालाई आफूले ल्याइसके कहिल्यै सोधपुछ समेत गरेनन् । बरु अर्को विवाह गरे बसेका छन् । त्यो कुरा थाहा पाए पछि बबिताको मानसिक सन्तुलन पहिले भन्दा झनै बिग्रेको पनि विशेश्वरले बताए ।

    Comment Here!

Related NEWS
मुख्य खबर

‘फास्ट ट्रयाक’ नहुँदा पीडितलाई झन् पीडा

–महिला खबर– ललितपुर । महिलाविरुद्ध हुने हिंसाका अति संवेदनशील मुद्दाहरूमा छिटो छरितो न्याय प्रणाली (फास्ट ट्रयाक)को

बलात्कारको बढोत्तरी किन ?

–हिसिला यमी– यतिखेर हामी युद्धको बेला हुने बलात्कारको कुरा गरिराखेका छैनौं । घरभित्र आफ्नै परिवारभित्र, आफन्तबाट

‘दोस्रो दर्जा’ को हैसियत विरुद्ध भदौ १ गते प्रदर्शन

‘यो अवस्थामा चुपचाप बस्नु भनेको महिलामाथि हुने दुव्र्यहारलाई स्विकार्नु र एकल आमाका काखमा हुर्केका ९

खोला र महिला (फोटो फिचर)

–महिला खबर– हरडेको खोलाले पुल बगाएपछि महिला, बालबालिका, वृद्धवृद्धा तथा अपांगता भएका व्यक्तिहरुलाई खोला वारपार गर्न

प्यारालाईसिसबाट पीडित लीलावतीको याचना

–महिला खबर– ललितपुर । प्यारालाईसिसबाट पीडित पर्साको सखुवा पर्सौनी गाउँपालिका वडा नं.५ महुवन (सविक गाविस

Read more
ताजा अपडेट
© 2015.All rights reserved by mahilakhabar.com
%d bloggers like this: