श्रीमती हत्या गर्ने श्रीमानलाई १० वर्षको कैद


प्रकाशित मिति :2018-05-15 13:38:34

–रुजु खतिवडा–

पाँचथर । आफ्नै श्रीमतीको हत्या गर्ने एक वृद्धलाई जिल्ला अदालत पाँचथरले १० वर्षको कैद फैसला सुनाएको छ ।जिल्ला न्यायाधिश मनोज केसीको एकल इजालसले फिदिम नगरपालिका ३ का ६१ वर्षिय डिकबहादुर मुखियालाई उक्त फैसला सुनाएको हो ।

मुलुकी ऐन महल १० ज्यान सम्बन्धीको १४ नं. को व्यवस्था अनुसार डिकबहादुर विरूद्ध उक्त फैसला गरिएको जिल्ला अदालतले जनाएको छ । डिकबहादुरले गएको फागुन ५ गते ४२ वर्षिया श्रीमती गंगामाया मुखियाको हत्या गरेका थिए ।

पीडितका आफन्त अगमबहादुर मुखियाले ०७४ फागुन ७ गते उनी विरूद्ध जिल्ला अदालतमा मुद्दा दायर गरेका थिए ।
मुद्दाको प्रारम्भिक सुनुवाइ गर्दै अदालतले डिकबहादुरलाई पुर्पक्षमा राख्न आदेश दिएको थियो ।

मुद्दाको फैसलासँगै हत्या गर्ने डिकबहादुरलाई जिल्ला कारागार चलान गरिएको अदालतका सूचना अधिकारी मोहन जबेगुले जानकारी दिए । पीडित पक्षको उजुरीका आधारमा गएको फागुन २० गते डिकबहादुरलाई पक्राउ गरी अनुसन्धान गरिएको जिल्ला प्रहरी कार्यालयका इन्स्पेक्टर विज्ञान बस्नेतले बताए

अनुसन्धानका क्रममा गएको फागुन ५ गते मध्यराती घरमा कोहि नभएको समयमा श्रीमतीलाई उत्तिसको दाउरा र मुक्का प्रहार गरेर हत्या गरेको खुलेको थियो । त्यसपछि उनले श्रीमतीको शव घर अघिको आलुवारीमा खाल्डो खनेर पुरेका थिए । शव १५ दिनपछि मात्र फेला पारिएको थियो ।

श्रीमतीको हत्यापश्चात सुनुवारले श्रीमती हराएको भन्दै प्रहरी चौकी पौवाभञ्ज्याङमा मौखिक उजुरी दिएका थिए ।हत्या र उजुरीपछि घरैमा बस्दै आएका सुनुवारको गतिविधिमा शंकास्पद रहेको पाइएपछि प्रहरीले उनलाई नियन्त्रणमा लिएको थियो ।

पक्राउ परेका सुनुवारलाई अनुसन्धान गर्ने क्रममा आफूले श्रीमतीको हत्या गरेको स्विकारेका थिए । शवको गएको फागुन २१ गते जिल्ला अस्पताल पाँचथरमा पोष्टमार्टम गरिएको थियो ।

यो पनि हेर्नुहोस्

श्रीमतीको हत्या गर्ने मुखिया पक्राउ

    Comment Here!

Related NEWS
मुख्य खबर

‘फास्ट ट्रयाक’ नहुँदा पीडितलाई झन् पीडा

–महिला खबर– ललितपुर । महिलाविरुद्ध हुने हिंसाका अति संवेदनशील मुद्दाहरूमा छिटो छरितो न्याय प्रणाली (फास्ट ट्रयाक)को

बलात्कारको बढोत्तरी किन ?

–हिसिला यमी– यतिखेर हामी युद्धको बेला हुने बलात्कारको कुरा गरिराखेका छैनौं । घरभित्र आफ्नै परिवारभित्र, आफन्तबाट

‘दोस्रो दर्जा’ को हैसियत विरुद्ध भदौ १ गते प्रदर्शन

‘यो अवस्थामा चुपचाप बस्नु भनेको महिलामाथि हुने दुव्र्यहारलाई स्विकार्नु र एकल आमाका काखमा हुर्केका ९

खोला र महिला (फोटो फिचर)

–महिला खबर– हरडेको खोलाले पुल बगाएपछि महिला, बालबालिका, वृद्धवृद्धा तथा अपांगता भएका व्यक्तिहरुलाई खोला वारपार गर्न

प्यारालाईसिसबाट पीडित लीलावतीको याचना

–महिला खबर– ललितपुर । प्यारालाईसिसबाट पीडित पर्साको सखुवा पर्सौनी गाउँपालिका वडा नं.५ महुवन (सविक गाविस

Read more
ताजा अपडेट
© 2015.All rights reserved by mahilakhabar.com
%d bloggers like this: