संचार माध्यमले प्राथमिकता दिँदैनन् : सांसद महिला


प्रकाशित मिति :2018-05-08 19:30:37

– महिला खबर

ललितपुर । प्रतिनिधिसभा र राष्ट्रियसभामा सांसद महिलाले महत्वपूर्ण विषय उठान गर्ने भए पनि सञ्चार माध्यमले प्राथमिकता नदिने गरेको गुनासो गरेका छन् ।

मंगलबार पत्रकार महिलासँग गरिएको छलफलमा सांसद महिलाले राष्ट्रिय मुद्धा लगायतका सार्वजनिक चासोका विषयमा भनाई राख्दा महिला सांसदलाई सञ्चार माध्यमले प्राथमिकता नदिने गरेको बताएका हुन् ।

महिलाका विषय बाहेकका मुद्धामा पनि महिला सांसदहरू विज्ञ छन् । तर सञ्चार माध्यमले पुरुष सांसदलाई प्राथमिकता दिने गरेका प्रतिनिधिसभाका उपसभामुख डा. शिवमाया तुम्बहाम्फेले बताईन् ।

उनले महिला सांसद पनि लामो योगदान पछि पदीय दायित्वमा आएको बताउँदैे सांसद महिलाकाे विषय विज्ञता अनुसार प्राथमिकता दिन सञ्चार माध्यमसँग आग्रह गरिन् ।

राष्ट्रियसभाका उपाध्यक्ष शशीकला दाहालले सांसद महिलाले संसदमा सार्वजनिक चासोका कुराहरूमा राखेका भनाइलाई पनि सञ्चार माध्यमले चासो दिनुपर्ने बताईन् ।

छलफलमा प्रतिनिधिसभा सांसद डा. विन्दा पाण्डेले अहिले विभिन्न ऐन तथा नियमावली निर्माणको चरणमा रहेको भन्दै संसदमा प्रस्तावित विधेयकमा सांसद महिलाले महिला पक्षीय संशोधनहरू राख्ने गरेको बताईन् । यद्यपी, सांसद महिलाकाे संशोधन प्रस्तावलाई सञ्चार माध्यमले कम चासो दिने गरेका उनको भनाइ थियो ।

सोही छलफलमा प्रतिनिधिसभा सांसद उमा रेग्मीले महिला सांसदहरू राष्ट्रिय एजेण्डाहरूमा पुरुष सरह विज्ञ भएकोले उनीहरूलाई पनि सञ्चार माध्यममा स्थान दिन अनुरोध गरेकी थिईन् ।

छलफलमा सञ्चारिका समूहकी अध्यक्ष निर्मला शर्माले पत्रकार महिलाले सांसद महिलाले प्रतिनिधिसभा तथा राष्ट्रियसभामा उठान गरेका विषयमा प्राथमिकता दिने गरेको बताईन् ।

अधिकांश पत्रकार महिलाको प्रतिनिधि तथा राष्ट्रियसभामा पहुँच नभएकोले उनीहरूलाई सहज प्रवेश पास उपलब्ध गराउन शर्माले सांसद महिलाको पहल हुनुपर्ने सुझाव दिइन् ।

कार्यक्रममा पूर्व उपसभामुख पूर्णकुमारी सुवेदी, सांसदहरू पुष्पा भुसाल, मिनाक्षी झा, डिला संग्रौला, अञ्जना विसंख्य, विमला वि.क, सरिता न्यौपाने, रंगमती शाही लगायतले भनाइ राखेका थिए । भने, पत्रकार महिलाहरूले सांसद महिला र पत्रकार महिलाबीच प्रभावकारी समन्वय कायम राख्न सुझाव दिएका थिए ।

    Comment Here!

Related NEWS
मुख्य खबर

‘फास्ट ट्रयाक’ नहुँदा पीडितलाई झन् पीडा

–महिला खबर– ललितपुर । महिलाविरुद्ध हुने हिंसाका अति संवेदनशील मुद्दाहरूमा छिटो छरितो न्याय प्रणाली (फास्ट ट्रयाक)को

बलात्कारको बढोत्तरी किन ?

–हिसिला यमी– यतिखेर हामी युद्धको बेला हुने बलात्कारको कुरा गरिराखेका छैनौं । घरभित्र आफ्नै परिवारभित्र, आफन्तबाट

‘दोस्रो दर्जा’ को हैसियत विरुद्ध भदौ १ गते प्रदर्शन

‘यो अवस्थामा चुपचाप बस्नु भनेको महिलामाथि हुने दुव्र्यहारलाई स्विकार्नु र एकल आमाका काखमा हुर्केका ९

खोला र महिला (फोटो फिचर)

–महिला खबर– हरडेको खोलाले पुल बगाएपछि महिला, बालबालिका, वृद्धवृद्धा तथा अपांगता भएका व्यक्तिहरुलाई खोला वारपार गर्न

प्यारालाईसिसबाट पीडित लीलावतीको याचना

–महिला खबर– ललितपुर । प्यारालाईसिसबाट पीडित पर्साको सखुवा पर्सौनी गाउँपालिका वडा नं.५ महुवन (सविक गाविस

Read more
ताजा अपडेट
© 2015.All rights reserved by mahilakhabar.com
%d bloggers like this: