कुरीतिः तीन महिनामा १३ को हत्या


कर्णाली प्रदेश कुरीतिको अध्यधिक मारमा

प्रकाशित मिति :2018-04-22 15:31:34

–महिला खबर–

ललितपुर । कुरीतिका कारण तीन महिनामा १३ जनाको हत्या भएको छ । कुरीतिकै कारण १० जना (१ पुरुष, ९ महिला) माथि कुटपिट भएको छ ।

यस्तै कर्णाली प्रदेश सबैभन्दा धेरै कुरीतिको मारमा परेको छ । मानववादी समाज (सोच) नेपालले २०७४ पुस १७ गतेदेखि २०७४ चैत्र १७ सम्म (जनवरी देखि मार्चसम्म) गरेको त्रैमासिक अध्ययन अनुसार कर्णाली प्रदेशमा कुरीतिजन्य हिंसा धेरै रहेको उल्लेख छ ।

सोच नेपालले देशभर भएका र राष्ट्रिय दैनिक पत्रिकाहरूमा छापिएका कुरीतिजन्य घटनाको अध्ययन तथा अभिलेख तयार गरी प्रतिवेदन सार्वजनिक गरेको हो ।

सोच नेपालका संस्थापक उत्तम निरौलाले तीन महिनाको अवधिमा कुरीतिजन्य हिंसाका ७८ घटना भएको महिला खबरलाई बताए ।

यो अवधिमा बालविवाहका १९, छाउपडीका १९, जातीय छुवाछुतका १६, बोक्सी प्रथाका ७, बहुविवाहका ३, हलिया प्रथाका १, कुमारी प्रथाका १, कम्लरी प्रथाका १ नवदुर्गा नाच प्रथाका १, दाइजोका २, विधवा प्रथाका २, धामीझाँक्रीका ६ गरी कुल ७८ घटनाहरू सार्वजनिक भएको प्रतिवेदनमा उल्लेख छ ।

यस बिचमा कुरीतिका बारेमा ८७ लेखहरू विभिन्न पत्रपत्रिकामा छापिएका छन् ।

त्यस्तै २४ जना (४ पुरुष, २० महिला) मानसिक हिंसाको शिकार बनेका छन् । ४१ जना (सबै महिला) मानसिक र शारीरिकरुपले पीडित भएको पाईएको छ ।
कुरीतिका कारण ७ समुदाय र २ वटा विद्यालय पनि प्रभावित भएको प्रतिवेदनमा उल्लेख ।

हरेक नागरिकलाई धर्म, संस्कृति, परम्परा र रीति रिवाज मान्ने अधिकार छ । तर नेपालमा अहिले पनि धर्म, संस्कृति, परम्परा र रीति रिवाजको नाममा मान्छेमाथि विभिन्न किसिमका हिंसाहरू भइरहेको पाइन्छ ।

धर्म, संस्कृतिका नाममा मान्छेमाथि हुने अमानविय घटनाहरूलाई न्यूनिकरण गर्न र हरेक मान्छेलाई आत्मसम्मानका साथ बाँच्न पाउँने वातावरणको सृर्जना गर्न सोचले कुरीतिजन्य हिंसाका बारेमा अध्ययन गरिरहेको छ ।

    Comment Here!

Related NEWS
मुख्य खबर

‘फास्ट ट्रयाक’ नहुँदा पीडितलाई झन् पीडा

–महिला खबर– ललितपुर । महिलाविरुद्ध हुने हिंसाका अति संवेदनशील मुद्दाहरूमा छिटो छरितो न्याय प्रणाली (फास्ट ट्रयाक)को

बलात्कारको बढोत्तरी किन ?

–हिसिला यमी– यतिखेर हामी युद्धको बेला हुने बलात्कारको कुरा गरिराखेका छैनौं । घरभित्र आफ्नै परिवारभित्र, आफन्तबाट

‘दोस्रो दर्जा’ को हैसियत विरुद्ध भदौ १ गते प्रदर्शन

‘यो अवस्थामा चुपचाप बस्नु भनेको महिलामाथि हुने दुव्र्यहारलाई स्विकार्नु र एकल आमाका काखमा हुर्केका ९

खोला र महिला (फोटो फिचर)

–महिला खबर– हरडेको खोलाले पुल बगाएपछि महिला, बालबालिका, वृद्धवृद्धा तथा अपांगता भएका व्यक्तिहरुलाई खोला वारपार गर्न

प्यारालाईसिसबाट पीडित लीलावतीको याचना

–महिला खबर– ललितपुर । प्यारालाईसिसबाट पीडित पर्साको सखुवा पर्सौनी गाउँपालिका वडा नं.५ महुवन (सविक गाविस

Read more
ताजा अपडेट
© 2015.All rights reserved by mahilakhabar.com
%d bloggers like this: