स्तनपान गराउँदै परीक्षा दिएपछि….


प्रकाशित मिति :2018-04-12 13:23:48

ललितपुर । अफ्गानी महिला जहन्ताब अहमदीले आफ्नी दुई महिनाकी छोरी लिएर विश्वविद्यालयको भर्ना परीक्षा दिन गएकी थिइन् । आफ्नो नवजात शिशुलाई स्तनपान गराउँदै परीक्षा दिंदै गरेका तस्विरहरु सामाजिक सञ्जालमा भाइरल भएपछि उनको जीवनमा परिवर्तन आएको छ ।

‘त्यहाँ एकदम गर्मी थियो । मेरो पसिना आइरहेको थियो । त्यसैले म मेचको पछाडि भूईंमा छायाँ पर्ने ठाउँमा बसें । यसरी बस्दा बच्चालाई धेरै घाम पर्दैनथ्यो’ जहन्ताब अहमदीले भनिन् ।

जहन्ताब अहमदीले विश्वविद्यालयको भर्ना परीक्षा दिने स्थानमा आइपुग्न सात घण्टा लामो यात्रा गरेकी थिइन् । आफ्नी दुई महिने छोरीलाई हेरचाह गर्दै जाँच दिइरहेकी थिइन् । एक जना अध्यापकले उनका तस्विरहरु खिचे र सामाजिक सञ्चार माध्यममा प्रस्तुत गरे ।

‘मलाई डर लागेको थियो मेरो परिवारले सामाजिक सञ्चार माध्यममा मेरो तस्विर राखेको मन पराउँदैनन् भनेर… मैले बच्चालाई स्तनपान गराउँदै परीक्षाका उत्तरहरु लिखिरहें । बच्चा बेस्सरी राइरहेको थियो । मलाई डर थियो कि अध्यापकहरुले यो सबै सहन नसकेर मलाई त्यहाँबाट निकालिदिन्छन् । अरु विद्यार्थीहरुलाई चाहिने शान्त वातावरण मैले त्यहाँ बिगारिरहेको थिएँ’ उनले भनिन् ।

उनका तस्विरहरु धेरै लोकप्रिय भए । उनलाई अहिले काबुलको एउटा प्रतिष्ठित विश्वविद्यालयमा अर्थशास्त्र पढ्ने मौका मिलेको छ । एक जना महिला राजनीतिज्ञले उनको शिक्षामा लाग्ने शुल्क बहोर्ने प्रतिवद्धता व्यत्त गरेकी छिन् । यसै गरी अफगानिस्तानको ‘दोश्रो’ उपाध्यक्षले एक वर्षको लागि उनलाई निःशुल्क निवासको व्यवस्था गर्ने बताएका छन् ।

‘मेरो उद्देश्य भनेको विश्वविद्यालयको शिक्षा हासिल गरेर मेरो गाउँका महिलाको सेवा गर्नु हो । उनीहरु पछाडि परेका छन् । काबुलका महिला बाहिर निस्किन सक्छन् र उनीहरु धेरै मेहनती छन् । तर मेरो गाउँका महिलाको अवस्था मलाई दयनीय लाग्छ किनभने उनीहरु शिक्षा र ज्ञानबाट बञ्चित छन्’ जहन्ताब अहमदीले भनिन् ।

साभार – बीबीसी

    Comment Here!

Related NEWS
मुख्य खबर

पत्रकार महिलालाई फुटबल प्रशिक्षण

–महिला खबर– ललितपुर । नेपाल पत्रकार महासंघको महिला समितिले फुटबल प्रतियोगिता गर्ने भएको छ ।

कानून मन्त्रीले माफी मागे (भिडियोसहित)

–महिला खबर– ललितपुर । बंगलादेशमा डाक्टर पढ्न गएका युवतीहरुको विषयमा आफूले बोलेको कुराप्रति कानून, न्याय तथा

महिला सदस्यलाई भैंसीको पाडी

–महिला खबर– वनले विपन्न आर्थिक अवस्थाका महिला उपभोक्ताको आर्थिक उन्नतिका लागि भैंसी उपहार दिएको बताएको छ

एलबीटी भन्छन्, ‘हाम्लाई छिःछि र दूर दूर किन ?’

–महिला खबर– ‘एक त छोरी । त्यसमाथि फरक पहिचान भएकै कारण विभेदमा परेको छौँ’ उनीहरुले भने

दुई पत्रकारसहित सातै प्रदेशका अधिकारकर्मी महिला पुरस्कृत

–महिला खबर– पुरस्कार प्रदान गर्दै महिलामन्त्री थापाले नेपाली महिलाको राजनैतिक क्षेत्रमा सहभागिता बढे पनि सामाजिक र

Read more
ताजा अपडेट
© 2015.All rights reserved by mahilakhabar.com
%d bloggers like this: