बलात्कार प्रयास गर्ने सामाजिक कार्वाहीमा


प्रकाशित मिति :2018-04-10 12:23:55

–महिला खबर–

कैलाली । श्रीमान घरमा नभएको मौका पारेर महिलालाई बलात्कार गर्न खोज्ने एक व्यक्ति सामाजिक कार्वाहीमा परेका छन् ।

कैलालीको कैलारी गाउँपालिका–१, दक्षिण मन्झराका टुकी भनिने कृष्ण प्रसाद चौधरीलाई गाउँलेले कालोमोसोसहित जुत्ताको माला लगाएर कार्वाही गरेका हुन् ।

श्रीमान घरबाहिर भएकी महिलाको संरक्षण गर्नुपर्ने सामाजिक दायित्वलाई बिर्सेर महिला एक्लै हुदाको गलत फाइदा उठाउन खोजेको भन्दै गाउँलेले कुटपिट गर्दै कालोमोसोसहित जुत्ताको माला लगाएर कार्वाही गरेको महिला खबरलाई जानकारी प्राप्त भएको छ ।

पीडित महिलाका अनुसार यही चैत्र २३ गते राति १२ बजेको समयमा कृष्ण प्रसाद चौधरी उनको घर गएका थिए । आफ्नो घरमा आएका कृष्ण प्रसाद आफूलाई जवर्जस्ती गर्न थाले पछि कुटपिट गर्दै महिला चिच्याउन थाले पछि टोल छिमेकी जम्मा भएको पीडित महिलाको भनाइ छ ।

महिलाको हार गुहार सुनेर जम्मा भएका छिमेकीले घटनास्थलमै कृष्ण प्रसादलाई कुटपिट गरेको र अर्को दिन गाउँलेको बिचमा राखेर कालोमोसो दल्दै जुत्ताको माला लगाएर कार्वाही गरिएको बताइएको छ ।

यस्तै टुकीलाई स्थानीय महिलाले २ लाख रुपैयाँ जरिवाना समेत गराएको थाहा भएको छ ।

गाउँ घरमा आगामी दिनमा यस्ता खालका घटना दोहोरिए महिलाहरूले यस्तै खालको सामाजिक कार्वाही गर्ने चेतावनी समेत दिएका छन् ।

७ जना पक्राउ

उता जिल्ला प्रहरी कार्याल्य कैलालीका प्रवक्ता प्रहरी नायव उपरीक्षक विर बहादुर बुढामगरका अनुसार बलात्कारको प्रयास गर्ने व्यक्तिलाई कालोमोसो दलेको घटना सामाजिक सञ्जाल मार्फत थाहा पाएपछि घटनास्थल पुगेको प्रहरी टोलीले सोमबार टुकी भनिने कृष्ण प्रसाद चौधरीसहित ७ जनालाई पक्राउ गरेको छ ।

कृष्ण प्रसाद चौधरीले बलात्कारको प्रयास गरेको भए उनलाई कानुनी दायरामा ल्याउनुको सट्टा कानुन हातमा लिएर कार्वाही गर्न खोजेको भन्दै प्रहरीले स्थानीय विसराम चौधरी, बुद्धिराम चौधरी, दुखिराम चौधरी, मसराम चौधरी, खोजराम चौधरी र छुदराम चौधरीलाई प्रक्राउ गरेको प्रहरी प्रवक्ता बुढामगरले महिला खबरलाई जानकारी दिए ।

पक्राउ परेका ६ जनालाई प्रहरीले सार्वजनिक अपराध ऐन अन्तरगत आज मुद्दा चलाउने तयारी गरेको छ । पीडित भनिएकी महिलालाई बयानका लागि प्रहरी कार्यालयमा बोलाइएको र उनको बयानका आधारमा बलात्कारको प्रयास गर्ने कृष्ण प्रसादलाई मुद्दा दर्ता गरिने पनि प्रवक्ता बुढामगरले बताए ।

    Comment Here!

Related NEWS
मुख्य खबर

पत्रकार महिलालाई फुटबल प्रशिक्षण

–महिला खबर– ललितपुर । नेपाल पत्रकार महासंघको महिला समितिले फुटबल प्रतियोगिता गर्ने भएको छ ।

कानून मन्त्रीले माफी मागे (भिडियोसहित)

–महिला खबर– ललितपुर । बंगलादेशमा डाक्टर पढ्न गएका युवतीहरुको विषयमा आफूले बोलेको कुराप्रति कानून, न्याय तथा

महिला सदस्यलाई भैंसीको पाडी

–महिला खबर– वनले विपन्न आर्थिक अवस्थाका महिला उपभोक्ताको आर्थिक उन्नतिका लागि भैंसी उपहार दिएको बताएको छ

एलबीटी भन्छन्, ‘हाम्लाई छिःछि र दूर दूर किन ?’

–महिला खबर– ‘एक त छोरी । त्यसमाथि फरक पहिचान भएकै कारण विभेदमा परेको छौँ’ उनीहरुले भने

दुई पत्रकारसहित सातै प्रदेशका अधिकारकर्मी महिला पुरस्कृत

–महिला खबर– पुरस्कार प्रदान गर्दै महिलामन्त्री थापाले नेपाली महिलाको राजनैतिक क्षेत्रमा सहभागिता बढे पनि सामाजिक र

Read more
ताजा अपडेट
© 2015.All rights reserved by mahilakhabar.com
%d bloggers like this: