न्यायाधीशसँग महिलाका सवाल


प्रकाशित मिति :2018-04-04 10:45:27

-गोमा खत्री-

सिन्धुपाल्चोक । महिलाहरुलाई अदालती प्रक्रियाका बारेमा जानकारी दिने उद्देश्यले सिन्धुपाल्चोक जिल्ला अदालतले न्यायिक संवाद कार्यक्रममको आयोजना गरेको छ ।

जिल्ला अदालत सिन्धुपाल्चोकले आयोजना गरेको महिलाहरुका लागि न्यायिक संवाद कार्यक्रममा सहभागी हुन आएका विभिन्न क्षेत्रका महिलाहरुले अदालतमा हुने मुद्दाको प्रक्रिया र न्याय प्राप्तीका बारेमा जिज्ञासा राखेका थिए ।

महिला हिंसाबाट पीडित हुने भएपनि अदालती प्रक्रियाको बारेमा अधिकांश महिलाहरु अनभिज्ञ हुने भएकाले न्याय प्राप्तीको विषयमा महिलाहरुलाई अधिक जानकारी गराउने उदेश्यले न्यायिक संवाद कार्यक्रम गरिएको जिल्ला अदालतका श्रेष्तेदार लेखनाथ पौडेलले जानकारी दिए ।न्यायिक संवाद कार्यक्रममा विभिन्न राजनीतिक दलका महिला नेतृहरुको सहभागीता थियो । चौतारा साँगाचोकगढी नगरपालिकाकी उपप्रमुख जानुका पारजुली लगायतका महिला नेतृहरुले महिलाहरुलाई अदालती प्रक्रियाको बारेमा स्थानीय स्तरमा पुगेर जानकारी गराउने बताएका थिए ।

न्यायाधीश र अदालतका कर्मचारीसँग सवाल जवाफ मात्रै होइन अदालतका विभिन्न फाँटहरुमा पुगेर कुन फाँटबाट के सेवा पाइन्छ त्यो पनि बुझेका थिए ।

महिलाहरुले एउटा अदालतबाट फैसला भएको मुद्दा पनि अरु अदालतले उल्टयाउने कारण के हो ? तारेखमा वारेस राख्ने भनेको के हो? कस्ता मुद्दाहरुमा वारेश राख्न पाइन्छ ? लगायतका अदालती प्रकृयाका बारेमा प्रश्न गरेका थिए ।

उनीहरुको जिज्ञासाको न्यायाधीश दिपक खनालले जवाफ दिएका थिए । जिल्ला खनालले महिला हिंसाका मुद्दाहरु १५ दिन भित्र अदालतबाट टुंगो लगाउने जनाए ।

अदालती प्रकृया ढिला हुन्छ भन्ने महिलाहरुको गुनासो मेटाउँदै अबका दिनमा कुनै पनि प्रकृतिका मुद्दाहरु ढिलामा एक वर्ष भित्र टुंगोमा पुर्याउने न्यायधीश खनालले प्रतिबद्धता व्यक्त गरे ।

    Comment Here!

Related NEWS
मुख्य खबर

मुद्दा जितेर पनि पीडामा महिला

– महिला खबर- ललितपुर । एक त अदालतले फैसला गर्नै समय लगाउँदा महिलाहरु पीडित भइरहेका

बलात्कार विरोधी कार्टुन बनाउने पत्रकारलाई धम्की

कार्टुनमा हिन्दु देवता राम र उनकी पत्नी सीताको बीचमा भएको कुराकानी लेखिएको छ । जसमा

छाउपडीः शहरमा अझ बढी

–माया केसी– अहिले उनी स्वयंलाई महिनावारी भएको बेला भान्छामा जान मन मान्दैन । अझ सुत्केरी

३० प्रतिशत कैदी महिलामा मानसिक रोग

-सन्दिप वि.क-  ललितपुर । कर्तव्य ज्यान मुद्दामा केन्द्रीय कारागारमा कैद भोगिरहेकी श्यमकली एकोहोरो टोलाउँछिन् । आफ्नै

बलात्कारको आरोपमा युवक पक्राउ

– महिला खबर ललितपुर । २१ वर्षीया युवतीलाई बलात्कार गरेको आरोपमा प्रहरीले एक युवकलाई पक्राउ

Read more
© 2015.All rights reserved by mahilakhabar.com
%d bloggers like this: