बलात्कारको घटना मिलापत्र गराउन खोज्ने वडा अध्यक्षसहित पाँच रिहा


प्रकाशित मिति :2018-03-18 14:44:50

-महिला खबर-

ललितपुर । सुनसरीको इटहरीमा बालिका बलात्कारको घटनालाई मिलापत्र गराउन खोज्ने वडा अध्यक्षसहित पाँच जनालाई सामान्य धरौटीमा रिहा गरिएको छ ।

जिल्ला प्रशासन कार्यालयले इटहरी उपमहानगरपालिका वडा नम्बर २० का वडाअध्यक्ष मणीराम श्रेष्ठसहित पाँच जनालाई सामान्य घरौटीमा छाडेको हो । उनीहरुलाई घटना मिलापत्र गराउन भूमिका निर्वाह गरेको भन्दै पक्राउ गरिएको थियो ।

प्रमुख जिल्ला अधिकारी गोपालप्रसाद पराजुलीको इजलासले वडा अध्यक्ष श्रेष्ठ, तरुण दलका जिल्ला सभापति सिजन गुरुङ, उपसभापति सन्तोष विक, धरान १५ का मिलन शंकर र रामधुनी नगरपालिका ६ का काठ उद्योग संचालक रोहित सुब्बालाई जनही ५ हजार रुपैयाँ धरौटीमा छोडिएको बताइएको छ । उनीहरु माथि केही सार्वजनिक अपराध ऐन अन्तर्गत मुद्दा चलाइएको थियो ।

प्रशासन कार्यालयका अनुसार वडा अध्यक्षसहित पाँचै जनालाई चैत १४ मा तारेखमा हाजिर हुने गरी छाडेको हो । इलाका प्रहरी कार्यालय इटहरीले ८ जना विरुद्ध पीडित बालिका र उनकी आमालाई डर त्रास देखाई मुद्दाको जाहेरी उजुरी दर्ता नगर्न र रकम लिएर पीडकहरुसँग मिलापत्र गर्न दबाब दिएको आरोपमा केही सार्वजनिक अपराध ऐन, २०२७ अन्र्तगत मुद्दा चलाएको थियो ।

घटनालाई मिलापत्र गराउन खोज्ने विर्तामोड–५ का मदन राई, विर्तामोड–३ का शंकर बस्नेत र सप्तरी कञ्चनरुप नगरपालिका ४ का केवल खत्री यसअघि ५ हजार धरौटीमा छुटेका थिए । वडा अध्यक्षसहित पाँच जना फरार भई ३० दिन म्याद गुजारेर जिल्ला प्रहरी कार्यालयमा हाजिर भएका थिए ।

गत पुस १६ गते धरानका जग लिम्बू र विराटनगरका मनिष भनिने जीवन श्रेष्ठले इटहरीको रोयल रिसोर्टमा १४ वर्षीया बालिकालाई बलात्कार गरेका थिए । दुवै जना कारागार चलान भएका छन् । पीडित बालिकाको तर्फबाट प्रहरीमा जाहेरी पुगे पनि मिलापत्र गराइएको थियो ।

घटनाको मिलापत्रको बारेमा प्रदेश प्रहरी कार्यालयले धरानस्थित संघीय प्रहरी इकाइ प्रमुख हरि पालको संयोजकत्वमा छानबिन समिति समेत गठन गरेर अनुसन्धानलाई अघि बढाएको थियो ।

घटना ढाकछोप गर्न सुनसरीका एसपी विद्यानन्द माझी र इटहरीका इन्स्पेक्टर चिरञ्जिवि दाहाल संलग्न देखिएको र अन्य ८ जनाले विचौलियाको काम गरेको प्रतिवेदनमा उल्लेख गरिएको थियो ।

प्रतिवेदनकै आधारमा जिल्ला प्रहरी कार्यालय सुनसरीका प्रहरी उपरीक्षक विद्यानन्द माझी, इटहरी इलाका प्रहरी कार्यालयका इन्स्पेक्टर चिरञ्जीवी दाहालसहित ३ जना प्रहरीका जुनियर अधिकृतहरु निलम्बनमा परेका थिए ।

    Comment Here!

Related NEWS
मुख्य खबर

बुधबारदेखि लागु भयो मौलिक हक सम्बन्धी कानून

–महिला खबर– ललितपुर । संविधानले ग्यारेन्टी गरेका मौलिक हक सम्वन्धी कानून आज बुधबारदेखि लागू भएको

कुन पापीले हान्यो ६ महिने नाबालकलाई एसिड ?

–महिला खबर– ललितपुर । रौतहटमा एसिड घटना सेलाउन नपाउँदै अछाममा ६ महिने बालकको एसिड प्रहारबाट मृत्यु

संविधान कार्यान्वयनको लागि ऐन बनाइसक्यौं

अहिले हामी यहाँ संंघीय संसदमा प्रदेश, स्थानीय तहका सरकार यी तिनै सरकारहरुले र जनप्रतिनिधिहरुले काम

एसिड प्रकरण : पक्राउ परेका पासवानलाई म्याद थपेर अनुसन्धान

–महिला खबर– ललितपुर । रौतहटमा दुई दिदीबहिनीलाई एसिड हानेको अभियोगमा पक्राउ परेका रामबाबु पासवानलाई प्रहरीले

बलात्कार विरुद्धको हस्ताक्षर मुख्य मन्त्रीलाई बुझाईयो

–अस्मिना पाण्डे– बुटवल । सञ्चारिका समूह लुम्बिनीले बलात्कारको घटना न्यूनिकरण र बलात्कारका दाेषीलाई कारबाहीको लागि सरकारलाई

Read more
ताजा अपडेट
© 2015.All rights reserved by mahilakhabar.com
%d bloggers like this: