अमेरिकी सिआइएको निर्देशकमा पहिलो पटक महिला


प्रकाशित मिति :2018-03-14 14:25:03

—महिला खबर—

ललितपुर । अमेरिकी जासुसी संस्था(सिआइए)को निर्देशकमा पहिलो पटक महिला नियुक्त भएकी छिन् । सिआइएमा जिना हास्पेललाई नियुक्त गरिएको हो ।

सिआइएकी सहनिर्देशक हास्पेललाई निर्देशकमा राष्ट्रपति डोनाल्ड ट्रम्पले नियुक्त गरेका हुन् ।

सिआइएका निवर्तमान निर्देशक माइक पम्पेओलाई विदेशमन्त्री बनेपछि रिक्त स्थानमा जिना नियुक्त भएकी हुन् । ६१ वर्षीया जिनाले ३३ वर्षअघि सिआइएमा जागिर सुरु गरेकी थिइन् ।

गत वर्ष ट्रम्पले उनलाई सिआइएकी सहनिर्देशक नियुक्त गरेका थिए । अमेरिकी बन्दीगृहहरूमा दिइएको यातनामा भूमिका रहेको भन्दै डेमोक्र्याटहरुले उनको विरोध गरेका थिए ।

उनको नियुक्ति अमेरिकी सिनेटले अनुमोदन गनुपर्नेछ । उनको ३३ वर्षे जागिरको दौरानमा धेरै वर्ष जासुसीमा बिताएकी छन् । यसअघि उनले आतंकवादविरुद्ध लड्ने विभागको पनि नेतृत्व गरिसकेकी छिन् ।

जिना सन् २००२ मा थाइल्यान्डको ब्ल्याक साइट जेलमा प्रमुख थिइन् । सिनेटमा उनलाई ब्ल्याक साइट जेललगायत ठाउँमा बन्दीहरुलाई दिएको यातनाबारे प्रश्न सोधिने अमेरिकी सञ्चारमाध्यमले जनाएका छन् ।

एजेन्सीको सहयोगमा 

    Comment Here!

Related NEWS
मुख्य खबर

‘म विधवा भएकै कारण छोरीको बेल विवाह गर्न पाइन’

–महिला खबर संवाद– नेपालमा अधिकांश एकल महिलाले श्रीमानको मृत्युपछि परिवार र समाजको लाञ्छना भोग्नुपरेको छ ।

गोपनीयताको गन्जागोल

हरेक व्यक्तिलाई आफ्नो निजी मामिलामा कसैको जबर्जस्ती हस्तक्षेपबाट निश्चित हदसम्म प्रतिरोध गर्ने अधिकार भएको कुरालाई

कमजोर हुनुहुन्न तपाईं, यसरी ठेगान लगाउनुस् हमला गर्नेलाई(फोटोफिचर)

–महिला खबर– ललितपुर । श्रीमती कुट्ने मध्ये अधिकांश श्रीमानले मदिरा सेवन पश्चात श्रीमतीलाई कुटपिट गर्ने गरेका

गल्ती श्रीमानको, सजाय श्रीमतीलाई

- मेनुका ढुंगाना- अछाम । बिना गल्ती एचआइभी संक्रमित भएकै कारण परिवार र समाजबाटै पाइएको भेदभाव

बोक्सी भन्दै पन्यूले डाम्ने पक्राउ

-महिला खबर- ललितपुर । रामेछापको लिखु तामाकोसी गाउँपालिका १ की बिरामी महिलालाई बोक्सी लागेको भन्दै पून्यू

Read more
ताजा अपडेट
© 2015.All rights reserved by mahilakhabar.com
%d bloggers like this: