विवाहमा गएकी किशोरीमाथि सामुहिक बलात्कार


प्रकाशित मिति :2018-03-13 14:03:24

–महिला खबर–

ललितपुर । पछिल्लो समय सामुहिक बलात्कारका घटना बढिरहेको बेला सप्तरीमा किशोरीमाथि सामुहिक बलात्कार भएको छ ।

शम्भुनाथ नगरपालिका ३ की १६ वर्षीया किशोरीमाथि आइतबार राति सात जनाले सामुहिक बलात्कार गरेका प्रहरीले जनाएको छ । बलात्कारको आरोपमा प्रहरीले दुई जनालाई पक्राउ समेत गरेको छ ।

पक्राउपर्नेमा सोही नगरपालिकाका २० वर्षीय अजय चौधरी र वर्ष २० कै एकलाटी चौधरी रहेका छन् । अन्य पाँच जना युवा भने फरार छन् ।

यसरी भयो घटना

गएको आइतबार राती किशोरी बाबुआमासँगै घर नजिकैको विवाहमा गएकी थिइन् । उनको कान दुःख्ने समस्या थियो । किशोरी कानमा समस्या भएपछि रातिको १२ बजे गाउँकै मेडिकल पुगेकी थिइन् । मेडिकल बन्द रहेको थाहा पाएपछि उनी पुनः विवाह घरमै फर्कदै थिइन् ।
फर्कने क्रममा उनलाई अजय र एकलाटीले जबरजस्ती समातेर गहुँबारीमा लगेर बलात्कार गरेका थिए । त्यसपछि उनीहरुले गाउँका पाँच जना युवालाई समेत बोलाएर बलात्कार गर्न लगाएका किशोरीले बताएकी छिन् ।

किशोरीले प्रहरीसँगको बयानमा बलात्कार गरेको अरुलाई भनेमा मार्ने धम्किदिएको बताएकी छिन् । लामो समयसम्म छोरी नफर्कीएपछि किशोरीका बाबुआमा सहित गाउँलले खोज्न जाँदा किशोरी गहुँबारीमा फेला परेकी थिइन् । गाउँले गएलगत्तै युवाहरु भागेका थिए ।

घटना भएको भोलीपल्ट सोमाबार किशोरीकी आमाले जिल्ला प्रहरी कार्यालयमा सात जना विरुद्ध किटानी जाहेरी दिएकी छिन् । जिल्ला प्रहरी कार्यालयका डिएसपी धु्रबकुमार श्रेष्ठले किटानीको आधारमा अजय र एकलाटीलाई सोमबार नै पक्राउ गरिएको बताए ।

सोही नगरपालिकाका मनोजकुमार शाह, अर्जुनकुमार शाह, निथ्लेशकुमार शाह, बबि चौधरी र एक जना नाम नखुलेका युवाहरुको भने फरार छन् ।

फरार रहेका उनीहरुको समेत खोजी भइरहेको जिल्ला प्रहरी कार्यालयका डिएसपी श्रेष्ठले महिला खबरलाई जानकारी दिए ।

उनले भने, ‘युवतीको शरिरमा चोट लागेको छ । घटनाको प्रकृति हेर्दा सामुहिक बलात्कार भएको देखिन्छ ।’

किशोरीको मेडिकल रिपोर्ट आउन बाँकी छ । उनी गाउँकै विद्यालयमा कक्षा ७ मा पढ्दै थिइन् ।

    Comment Here!

Related NEWS
मुख्य खबर

निर्वाचन आयोग ऐन विपरित जान्नः आयुक्त, इला शर्मा

–महिला खबर– निर्वाचन आयुक्त शर्माका अनुसार राजनीतिक दल दर्ता सम्बन्धी ऐन २०७४ को दफा १५–४ अनुसार

बलि मागिरहन्छन्, छोरीहरु छाउ गोठमा

–राधा पौडेल– ढुङ्गोलार्इ सुन्ने, आमालार्इ गोठ, मान्छेको आकृति, पशु रहेछौ बेशर्मी ।

अनुदानको आशमा ऋणको भारी

–शिंव ढुंगाना– निवेदन लिने, छानविन नै नगरी सुटुक्कै मापदण्ड फेरेर प्राधिकरणले ओखलढुंगाका ६ सय ७८ जना

बैतडीमा २८ हजार किशोरीलाई आइरन चक्की खुवाइदै‌

–महिला खबर– ललितपुर । बैतडीका किशोरीहरुलाई आइरन चक्की र फोलिक एसिड खुवाइने भएको छ ।

बालिका बलात्कार कसुरमा १० वर्ष कैद

–रुजु खतिवडा– पाँचथर । ११ वर्षीया बालिकालाई बलात्कार गर्ने एक जनालाई जिल्ला अदालत पाँचथरले १०

Read more
ताजा अपडेट
© 2015.All rights reserved by mahilakhabar.com
%d bloggers like this: