बालविवाह अन्त्य गर्न व्यक्तिगत घटना दर्ता


प्रकाशित मिति :2018-03-12 12:04:57

–पार्वती पाण्डे–

कपिलवस्तु । कपिलवस्तु नगरपालिका १२, सौरहालाई बाल बिवाह मुक्त वडा घोषणा गर्ने अभियान सफल बनाउन ५ दिने व्यक्तिगत घटना दर्ता शुरु गरिएको छ ।

वडा कार्यालयको आयोजनामा यहि चैत ९ गते बालविवाह मुक्त वडा घोषणा तयारीको लागि व्यक्तिगत घटना दर्ता अभियान थालिएको हो ।

अभियानको पहिलो दिन आइतबार सौराहामा सम्पन्न दर्ता अभियानमा ३८ जनाले जन्मदर्ता, ७ जनाले विवाह दर्ता र २ जनाले मृत्यु दर्ताको प्रमाणपत्र लिएको वडा सचिव मदन प्रदान घिमिरेले जानकारी दिए ।

अभियान अन्र्तगत सौराहा, बिढुवा, पिपरहवा, बेलभरिया र अकबरपुरमा नागरिकको घरघरमै पुगेर सो सेवा दिने योजना रहेको सचिव घिमिरेले बताए ।

वडालाई बालबिवाह मुक्त घोषणा गर्ने अभियान अन्तिम चरणमा पुगेको जानकारी दिँदै मुक्त अभियानको सुचकहरुलाई पुरा गर्ने उद्देश्यले व्यक्तिगत घटना दर्ताको अभियान अघि बढेको वडा अध्यक्ष ओमप्रकाश पाण्डेयले बताए ।

अभियान अन्र्तगत हालसम्म सुचक निर्धारण, तथ्याङ्क संकलन, वस्तीस्तरीय निगरानी समिति गठन र प्रशिक्षण, विद्यालयस्तरीय निगरानी समिति गठन, प्रचारप्रसार, कानुनी सचेतना प्रवाह लगायतका कार्य गरिएको पाण्डेयले जानकारी दिए ।
व्यक्तिगत घटना दर्ता अभियान शुक्रवारसम्म चल्ने वडा सचिव मदन प्रसाद घिमिरेले जानकारी दिएका छन् ।

    Comment Here!

Related NEWS
मुख्य खबर

‘म विधवा भएकै कारण छोरीको बेल विवाह गर्न पाइन’

–महिला खबर संवाद– नेपालमा अधिकांश एकल महिलाले श्रीमानको मृत्युपछि परिवार र समाजको लाञ्छना भोग्नुपरेको छ ।

गोपनीयताको गन्जागोल

हरेक व्यक्तिलाई आफ्नो निजी मामिलामा कसैको जबर्जस्ती हस्तक्षेपबाट निश्चित हदसम्म प्रतिरोध गर्ने अधिकार भएको कुरालाई

कमजोर हुनुहुन्न तपाईं, यसरी ठेगान लगाउनुस् हमला गर्नेलाई(फोटोफिचर)

–महिला खबर– ललितपुर । श्रीमती कुट्ने मध्ये अधिकांश श्रीमानले मदिरा सेवन पश्चात श्रीमतीलाई कुटपिट गर्ने गरेका

गल्ती श्रीमानको, सजाय श्रीमतीलाई

- मेनुका ढुंगाना- अछाम । बिना गल्ती एचआइभी संक्रमित भएकै कारण परिवार र समाजबाटै पाइएको भेदभाव

बोक्सी भन्दै पन्यूले डाम्ने पक्राउ

-महिला खबर- ललितपुर । रामेछापको लिखु तामाकोसी गाउँपालिका १ की बिरामी महिलालाई बोक्सी लागेको भन्दै पून्यू

Read more
ताजा अपडेट
© 2015.All rights reserved by mahilakhabar.com
%d bloggers like this: