महिलाले बनाए विभेदविरुद्धको योजना


प्रकाशित मिति :2018-03-09 11:06:30

-वसन्तप्रताप सिंह-

बझाङ — थलारा गाउँपालिकालाई पाँच वर्षभित्र विभिन्न प्रकारका विभेदबाट मुक्त गर्न महिलाले योजना बनाएका छन् । गाउँपालिकाका निर्वाचित सबै महिला जनप्रतिनिधि, महिला स्वास्थ्य स्वयंसेविका, शिक्षिका, विभिन्न उपभोक्ता समिति तथा संघसंस्थाका महिला पदाधिकारी र योजना निर्माणमा दखल अगुवा महिला मिलेर योजना बनाएका हुन् ।

गाउँपालिकाभित्रका विभिन्न क्षेत्रका ४५ जना महिलाले ३ दिन लगाएर ५ वर्षका लागि योजना तयार गरेका हुन् । महिलामाथि घरभित्र हुने हिंसा र विभेद, कृषि क्षेत्रमा महिलाको सम्मानपूर्वक सहभागिता, नेतृत्वमा महिलाको क्षमता विकास तथा सामाजिक कुरीतिको अन्त्य गर्नका लागि गाउँपालिकाले कार्यान्वयन गर्ने गरी योजना बनाइएको कार्यपालिका सदस्य रेखा खड्काले बताइन् । यस्तै महिलालाई आर्थिक रूपमा सशक्त बनाउन र सार्वजनिक सेवासुविधामा उनीहरूको पहुँच वृद्धि गर्नका लागि पनि विभिन्न योजना तय गरिएकोखड्काको भनाइ छ । लामो समयदेखि लैंगिक विकासका लागि भनेर लक्षित वर्गको बजेट खर्च हुने गरेको भए पनि लक्षित वर्गले कुनै लाभ पाउन नसकेको र विभिन्न खाले विभेद यथावत् नै रहेकाले आफ्ना लागि आफैं योजना निर्माण गरेको महिला सदस्य हर्कुदेवी सायरले बताइन् ।

‘छाउपडी प्रथा कायमै छ । महिला हिंसामा कुनै कमी आएको छैन,’ सायरले भनिन् । महिला आफैंले योजना निर्माणमा सहभागी नभएका कारण ठूलो मात्रामा रकम खर्च भएको भए पनि विभेद घट्न नसकेकाले नयाँ ढंगले योजना तर्जुमा गरिएको उनले बताइन् । लक्षित वर्गको नाममा आएको रकम विद्यालय र बाटोघाटो निर्माणमा खर्च गर्दा महिलाको अवस्थामा सुधार नआएको उनको दाबी थियो । ग्रामीण जलस्रोत व्यवस्थापन परियोजनाका सामाजिक तथा संस्थागत विकास विज्ञ राजु तिरुवालाई स्रोत व्यक्तिका रूपमा आमन्त्रण गरेर ५ वर्षभित्र सबै खालका विभेदको अन्त्य र महिलालाई आत्मनिर्भर हुने खालका कार्यक्रम लागू गर्नका लागि योजना निर्माण गरिएको गाउँपालिका उपाध्यक्ष गंगुदेवी खडायतले बताइन् । उनले भनिन्, ‘अब महिलाको बजेट वितरण गर्ने क्रममा पहिलाको जस्तो विवाद हुने छैन ।

गाउँपालिका अध्यक्ष भूवनेश्वर उपाध्यायले महिलाको समूहले सामाजिक अवस्था विश्लेषण गर्दै निकै ठूलो मिहिनेतका साथ योजना तजुर्मा गरेको बताउँदै महिला विभेद अन्त्य र सशक्तीकरणका लागि योजनाको पूर्ण कार्यान्वयन गर्न गाउँपालिका तयार रहेको बताए ।

योजनामा छाउपडी प्रथा अन्त्य गर्नका लागि अभियान सञ्चालन गर्ने, विभेद र हिंसा मुक्त घर, टोल र गाउँ घोषणा गर्ने, प्रत्येक टोलमा हिंसा र विभेदविरुद्ध काम गर्ने अभियन्ता तयार गर्ने जस्ता कार्यक्रम राखिएको अध्यक्ष उपाध्यायले बताए । यस्तै महिला लक्षित सीप तथा क्षमता विकास, आयआर्जन कार्यक्रम सञ्चालन गर्ने, लोकसेवा तयारी कक्षा स्थानीय तहमा सञ्चालन गर्ने, उच्च शिक्षा अध्ययनको वातावरण मिलाउनेलगायतका थुप्रै कार्यक्रम तर्जुमा गरिएको उनले बताए ।

साभार : कान्तिपुर

    Comment Here!

Related NEWS
मुख्य खबर

मुद्दा जितेर पनि पीडामा महिला

– महिला खबर- ललितपुर । एक त अदालतले फैसला गर्नै समय लगाउँदा महिलाहरु पीडित भइरहेका

बलात्कार विरोधी कार्टुन बनाउने पत्रकारलाई धम्की

कार्टुनमा हिन्दु देवता राम र उनकी पत्नी सीताको बीचमा भएको कुराकानी लेखिएको छ । जसमा

छाउपडीः शहरमा अझ बढी

–माया केसी– अहिले उनी स्वयंलाई महिनावारी भएको बेला भान्छामा जान मन मान्दैन । अझ सुत्केरी

३० प्रतिशत कैदी महिलामा मानसिक रोग

-सन्दिप वि.क-  ललितपुर । कर्तव्य ज्यान मुद्दामा केन्द्रीय कारागारमा कैद भोगिरहेकी श्यमकली एकोहोरो टोलाउँछिन् । आफ्नै

बलात्कारको आरोपमा युवक पक्राउ

– महिला खबर ललितपुर । २१ वर्षीया युवतीलाई बलात्कार गरेको आरोपमा प्रहरीले एक युवकलाई पक्राउ

Read more
© 2015.All rights reserved by mahilakhabar.com
%d bloggers like this: