मोरक्कोको ‘कडा’ गर्भपतन कानूनमा सुधार खोजिदै


प्रकाशित मिति :2018-03-05 14:46:12

ललितपुर । मोरक्कोमा एक वर्षमा २५ हजार भन्दा बढी अनिच्छित गर्भका कारण बच्चा जन्मन्छन् । त्यहाँ जोखिमपूर्ण गर्भपतन पनि भइरहेको छ ।

चिकित्सकहरु र अधिकारकार्मीहरु कानूनमा परिवर्तन ल्याएर सुरक्षित गर्भपतन गराउने प्रावधानको लागि पैरवी गर्दै छन् । दुई वर्ष अगाडि त्यहाँकी नागरिक जोयराका प्रेमीले उनी गर्भवती भएको थाहा पाएपछि उनलाई छाडिदिए । अचानक उनी अनिच्छित गर्भको सामना गर्न पुगिन् ।

मोरक्कोमा गर्भपतन गर्नु अपराधिक गतिविधि मानिन्छ । गर्भपतन गरे जेल सजाय र जरिबाना हुन्छ । विवाहित महिलाको हकमा भने फरक कानूनी व्यवस्था छ । विवाहित महिला जसको गर्भको कारण उनको स्वास्थ्यमा खतरा भएको मेडिकल रिपोर्टले पुष्टि गरेको स्थितिमा बाहेक गर्भपतन गराउनु गैरकानूनी मानिन्छ । स्वास्थ्यमा खतरा भएको घटनामा पनि गर्भपतनको लागि श्रीमानको अनुमति चाहिन्छ ।

‘मेरो जस्तो दुःख कुनै पनि महिलाले भोग्नु नपरोस् । मसँग कुनै पनि विकल्प थिएन र मैले धेरै कोशिश गरें’ ३४ वर्षकी जोयराले भनिन् । उनले गर्भपतन नगर्ने निर्णय गरिन् । उनकी छोरी अहिले १८ महिनाकी भइन् ।

महिला अधिकारमा काम गर्ने एक गैरसरकारी संस्था आइएनएसएफको अध्ययन अनुसार मोरक्कोमा २७ हजार एकल आमा छन् । उनीहरु अनिच्छित गर्भका शिकार भए ।

‘म अढाई वर्षदेखि प्रेमीसँग बस्दै आएको थिएँ । म गर्भवती नहुँदासम्म सबै कुरा ठिक थियो’, आँखाभरि आँशु लिँदै जोयराले भनिन् – ‘जब मेरो गर्भ आठ महिनाको भयो मेरो प्रेमीले मलाई छाडेर हिँड्यो ।’

गैरसरकारी संस्था आइएनएसएफको अनुसार सन् २००९ मा पाँच लाख भन्दा बढी जन्म विवाह नभइकन भएका थिए । प्राध्यापक साफिक स्रैबी राजधानी राबतको एक अस्पतालमा स्त्री रोग विशेषज्ञको रुपमा काम गर्छन् र अवैध गर्भपतनको विरुद्ध एउटा संस्था एफएलएसी चलाउँछन् । उनले अलजजीरालाई भने अनुसार धेरै महिला गर्भपतनको सेवा खोज्दै उनी कहाँ पुग्छन् ।

‘बलात्कार र हाडनाता करणीबाट रहेका अनिच्छित गर्भका लिएर महिला म कहाँ गर्भपतन गराउन आउँछन् । म कहाँ कम उमेरका र मानसिक बिरामी छोरीहरुका अविभावक पनि आउँछन् । त्यसैले म लड्दै छु’ उनले भने ।

उनका अनुसार मोरक्कोको गर्भपतन सम्बन्धी कानूनले सबै प्रकारका जोखिमहरु जसले आमाहरु र बच्चाहरुमा पर्ने नकरात्मक सामाजिक, मानसिक र शारीरिक नतिजाहरुलाई ध्यान नदिएको देखिन्छ ।

साफिक स्रैबी भन्छन्, ‘धेरै महिला हामीबाट सहयोग खोज्छन् तर बलात्कार निषेधित कानूनबाट हाम्रा हातहरु बाँधिएका छन् । ती महिला भ्रूणबाट छुट्कारा पाउन असुरक्षित गर्भपतनको प्रयास गर्छन् र गम्भीर रक्तस्राव वा संक्रमित घाउ लिएर पटकपटक आउँछन् ।’ उनले थपे – केही महिला महंगो शुल्क तिरेर अरु चिकित्सकहरुबाट निजी क्षेत्रमा गोप्य रुपमा गर्भपतन गराउँछन् । ती चिकित्सकहरुलाई स्त्री रोगको ज्ञान नहुन पनि सक्छ ।’

उनका अनुसार बाँकीले आफै गर्भको अन्त्य गर्ने प्रयास गर्छन् । महिला अधिकारकर्मी एैचा सिन्ना भन्छिन्, ‘धेरै महिला गर्भपतन गर्ने वा बच्चा जन्माएर त्याग्ने विचार गर्छन् ।’

स्रैबी दाबी गर्छन् – उत्तरी अफ्रिकन देशहरुमा प्रत्येक दिन ६ सय देखि ८ सय वटा गर्भपतन हुन्छन् ।

‘जबसम्म गोप्य रुपमा सफलतापूर्वक गर्भपतनहरु भइरहन्छन्, सरकारी अधिकारीहरुले हस्तक्षेप गर्दैनन् । तर, जब केही गलत हुन्छ आमाहरु र चिकित्सकहरुलाई जेल पठाइन्छ । हाम्रो देशको समस्या नै यही हो । धेरै बन्देजकारी कानूनहरु छन् र मानिसहरुले यसैको सेरोफेरोमा रहेर पनि आफ्नो काम गैरकानूनी रुपमा गरेर र गराएरै छोड्छन्’ उनले भने ।

साभारः– अल जजीरा  

    Comment Here!

Related NEWS
मुख्य खबर

‘म विधवा भएकै कारण छोरीको बेल विवाह गर्न पाइन’

–महिला खबर संवाद– नेपालमा अधिकांश एकल महिलाले श्रीमानको मृत्युपछि परिवार र समाजको लाञ्छना भोग्नुपरेको छ ।

गोपनीयताको गन्जागोल

हरेक व्यक्तिलाई आफ्नो निजी मामिलामा कसैको जबर्जस्ती हस्तक्षेपबाट निश्चित हदसम्म प्रतिरोध गर्ने अधिकार भएको कुरालाई

कमजोर हुनुहुन्न तपाईं, यसरी ठेगान लगाउनुस् हमला गर्नेलाई(फोटोफिचर)

–महिला खबर– ललितपुर । श्रीमती कुट्ने मध्ये अधिकांश श्रीमानले मदिरा सेवन पश्चात श्रीमतीलाई कुटपिट गर्ने गरेका

गल्ती श्रीमानको, सजाय श्रीमतीलाई

- मेनुका ढुंगाना- अछाम । बिना गल्ती एचआइभी संक्रमित भएकै कारण परिवार र समाजबाटै पाइएको भेदभाव

बोक्सी भन्दै पन्यूले डाम्ने पक्राउ

-महिला खबर- ललितपुर । रामेछापको लिखु तामाकोसी गाउँपालिका १ की बिरामी महिलालाई बोक्सी लागेको भन्दै पून्यू

Read more
ताजा अपडेट
© 2015.All rights reserved by mahilakhabar.com
%d bloggers like this: