नवलपरासीका छोरीहरुलाई यसरी ढाडस दिइन्, रेखा थापाले (भिडियोसहित)


प्रकाशित मिति :2018-02-22 13:09:22

–सीता शर्मा–

नवलपरासी । नवलपरासीको बर्दघाट नगरपालिकाले बाल विवाह मुक्त नगरपालिका बनाउने अभियान सुरु गरेको छ । बर्दघाट नगरपालिकालाई देशकै पहिलो बालविवाह मुक्त नगरपालिका घोषणा गर्ने अठोटका साथ अभियान सुरु गरिएको नगरपालिकाले जनाएको छ ।

अभियान अन्र्तगत छोरीका लागि स्वर्णीम देश बनाउने अभियानमा लागेकी अभियन्ता रेखा थापा र जीवन प्रशिक्षक नरबहादुर कार्कीको उपस्थिीतीमा बुधबार जागरण कार्यक्रम समेत गरियो ।

नवलपरासीको बर्दघाट नगरपालिकाको आयोजनामा भएको कार्यक्रममा नायिका तथा बालविवाह विरुद्धकी अभियन्ता रेखा थापाले बालविवाह नरोकिएसम्म देशको आधा भन्दा बढी संख्यामा रहेका महिलाको भविश्य अन्धकार हुने भन्दै यसले महिलाको मात्र नभएर देशको सामाजिक र आर्थिक विकासमा समेत नकारात्मक असर पार्ने बताइन् ।

जबसम्म महिला र पुरुष समान हैसियतमा आउदैन्न् तबसम्म अन्य विकासका कार्यले जतिनै फड्को मारे पनि त्यसको औचित्य नहुने थापाको भनाइ छ ।
बालविवाह विरुद्धको देशव्यापी अभियानमा रहेकी थापाले नेपाललाई छोरीहरूले सम्मानित भएर बाँच्न पाउने देश बनाउने सपनाका साथ आफू यस अभियानमा लागेको बताइन् ।

‘तपाइहरु आफ्नो नामबाट बाच्नुस् । आफ्नो पहिचानका साथ बाच्नुस्’ कार्यक्रममा सहभागी किशोरीहरुलाई ढाडस दिदै थापाले भनिन्, ‘उमेर पुगेर (२० वर्ष पछि) मात्रै विवाह गर्नुस् । जीवनमा पछुताउनु पर्दैन ।’

कार्यक्रममा बोल्दै जिवन प्रशिक्षक तथा अभियन्ता नरबहादुर कार्कीले विश्वका अन्य देशको तुलनामा छोरीका लागि नेपाल संकटग्रस्त देशका रुपमा चिनिने र तथ्याङ्कीय रुपमा हेर्दा पनि नेपालमा बालविवाह डरलाग्दो रुपमा रहेको बताए ।

बालविवाह जस्तो कुसंस्कृति उन्मुलन नभएसम्म सामाजिक विकास सम्भव नभएका कारण अभियानको सुरुवात गरिएको बर्दघाट नगरपालिकाका प्रमुख धिरज शर्मा बस्यालले बताए ।

नगरपालिकाको प्रयासले मात्र यस अभियानलाई सफल बनाउन नसक्ने भन्दै नगर प्रमुख बस्यालले सम्पुर्ण नगरबासी यस अभियानका अभियन्ता बन्नुपर्नेमा जोड दिएका छन् ।

    Comment Here!

Related NEWS
मुख्य खबर

‘म विधवा भएकै कारण छोरीको बेल विवाह गर्न पाइन’

–महिला खबर संवाद– नेपालमा अधिकांश एकल महिलाले श्रीमानको मृत्युपछि परिवार र समाजको लाञ्छना भोग्नुपरेको छ ।

गोपनीयताको गन्जागोल

हरेक व्यक्तिलाई आफ्नो निजी मामिलामा कसैको जबर्जस्ती हस्तक्षेपबाट निश्चित हदसम्म प्रतिरोध गर्ने अधिकार भएको कुरालाई

कमजोर हुनुहुन्न तपाईं, यसरी ठेगान लगाउनुस् हमला गर्नेलाई(फोटोफिचर)

–महिला खबर– ललितपुर । श्रीमती कुट्ने मध्ये अधिकांश श्रीमानले मदिरा सेवन पश्चात श्रीमतीलाई कुटपिट गर्ने गरेका

गल्ती श्रीमानको, सजाय श्रीमतीलाई

- मेनुका ढुंगाना- अछाम । बिना गल्ती एचआइभी संक्रमित भएकै कारण परिवार र समाजबाटै पाइएको भेदभाव

बोक्सी भन्दै पन्यूले डाम्ने पक्राउ

-महिला खबर- ललितपुर । रामेछापको लिखु तामाकोसी गाउँपालिका १ की बिरामी महिलालाई बोक्सी लागेको भन्दै पून्यू

Read more
ताजा अपडेट
© 2015.All rights reserved by mahilakhabar.com
%d bloggers like this: