जवरजस्ती विवाह गर्न खोज्ने युवा तीन वर्ष पछि पक्राउ


प्रकाशित मिति :2018-02-22 12:14:17

–महिला खबर–

पाँचथर । कक्षा १० मा अध्ययनरत १४ वर्षीया बालिकालाई जवरजस्ती विवाह गर्न खोज्ने युवक तीन वर्ष पछि पक्राउ परेका छन् ।

विद्यालयबाट घर फर्कदै गरेकी बालिकालाई अन्य ४ साथीहरूको सहयोगमा नाटकीय शैलीमा अपहरण गरि जवरजस्ती विवाह गर्न खोज्ने तुम्वेवा गाउँपालिका १ साविक आङ्ना गाविस वडा नं. ४ का जीवन तिम्सिना खत्रीलाई प्रहरीले फागुन ७ गते झापाको दमकबाट पक्राउ गरेको हो ।

बालिकालाई अपहरण गरि जवरजस्ती विवाह गर्ने प्रयास गरेका खत्री घट्ना पछि फरार थिए । स्थानीयवासी तथा बालिकाका आफन्तले जवरजस्ती विवाह गर्नबाट रोकेपछि उनी फरार भएका थिए ।

खत्री झापामा रहेको विशेष सुराकीका आधारमा प्रहरी सहायक निरीक्षक कमल थापा नेतृत्वको प्रहरी टोलीले खत्रीलाई झापाको दमकबाट पक्राउ गरेको जिल्ला प्रहरी कार्यालय पाँचथरले जनाएको छ । खत्रीलाई मंगलबार अदालतमा उपस्थित गराई कारागार चलान गरिएको पाँचथरका प्रहरी नायव उपरीक्षक वामदेव गौतमले वताए ।

अपहरण तथा शरीर बन्धक घटनामा संलग्न खत्री निर्दोष रहेको र मुद्दा दर्ता गराउन नहुने भन्दै केहि राजनैतिक दलका नेता तथा कार्यकर्ताहरूले प्रहरीलाई चर्को दबाव दिएका थिए । दबाबपछि समयमै मुद्दा दर्ता हुन नसक्दा खत्री भागेर काठमाडौं हुँदै रोजगारीका लागि विदेश पुगेका थिए ।

चौतर्फी दबाबपछि प्रहरीले पीडित बालिकाका आफन्तको जाहेरी दर्ता गर्नुका साथै अनुसन्धान पछि खत्री विरुद्ध अपहरण तथा शरीर बन्धकको मुद्दा चलाएको थियो । केही समय अघि नेपाल आएर दमकमा बस्दै आएका उनलाई पाँचथर प्रहरीले नियन्त्रणमा लिई कारागार चलान गरेको हो ।

    Comment Here!

Related NEWS
मुख्य खबर

‘म विधवा भएकै कारण छोरीको बेल विवाह गर्न पाइन’

–महिला खबर संवाद– नेपालमा अधिकांश एकल महिलाले श्रीमानको मृत्युपछि परिवार र समाजको लाञ्छना भोग्नुपरेको छ ।

गोपनीयताको गन्जागोल

हरेक व्यक्तिलाई आफ्नो निजी मामिलामा कसैको जबर्जस्ती हस्तक्षेपबाट निश्चित हदसम्म प्रतिरोध गर्ने अधिकार भएको कुरालाई

कमजोर हुनुहुन्न तपाईं, यसरी ठेगान लगाउनुस् हमला गर्नेलाई(फोटोफिचर)

–महिला खबर– ललितपुर । श्रीमती कुट्ने मध्ये अधिकांश श्रीमानले मदिरा सेवन पश्चात श्रीमतीलाई कुटपिट गर्ने गरेका

गल्ती श्रीमानको, सजाय श्रीमतीलाई

- मेनुका ढुंगाना- अछाम । बिना गल्ती एचआइभी संक्रमित भएकै कारण परिवार र समाजबाटै पाइएको भेदभाव

बोक्सी भन्दै पन्यूले डाम्ने पक्राउ

-महिला खबर- ललितपुर । रामेछापको लिखु तामाकोसी गाउँपालिका १ की बिरामी महिलालाई बोक्सी लागेको भन्दै पून्यू

Read more
ताजा अपडेट
© 2015.All rights reserved by mahilakhabar.com
%d bloggers like this: