नवजात शिशुको मृत्युदर घटाउन नयाँ अभियान शुरु


प्रकाशित मिति :2018-02-20 17:33:47

-महिला खबर –

काठमाडौं । युनिसेफले मंगलबारदेखि “प्रत्येक बच्चा जीवित राखौं” भन्ने विश्वव्यापी अभियान शुरु गरेको छ ।
अभियानमा विश्वभरका नवजात शिशुहरुलाई कसरी बचाउने भन्ने समाधानका उपायहरु खोजिने युनिसेफले जनाएको छ ।

युनिसेफले नवजात शिशुको मृत्युदर सम्बन्धी एक नयाँ प्रतिवेदन समेत तयार पारेको छ । प्रतिवेदनका अनुसार कम आयस्रोत भएका देशहरुमा औसत नवजात शिशु मृत्युदर प्रति हजार जन्ममा २७ रहेको छ । उच्च आयस्रोत भएका देशहरुमा त्यो दर प्रति हजारमा ३ रहेको छ । जोखिमपूर्ण ठाउँहरुमा नवजात शिशुहरु जन्माउँदा मर्ने सम्भावना सुरक्षित ठाउँहरुमा जन्मांउँदा भन्दा ५० गुना बढि हुने युनिसेफकाे प्रतिवेदनमा उल्लेख छ ।  ती ठाउँहरुमा गरिबी, द्वन्द्व र कमजोर स्वास्थ्य संस्थाहरुका कारण गर्भवती महिलाले सुत्केरी हुने समयमा सहायता पाउने सम्भावना धेरै कम हुने बताइएको छ ।

नेपालको जनसांख्यिक स्वास्थ्य सर्वेक्षण २०१६ का अनुसार ४८ शिशु मध्ये एक जना जन्मेको २८ दिन भित्र मृत्यु हुने गर्दछ । जस अनुुसार नेपालमा प्रत्येक वर्ष १३ हजार नवजात शिशुहरुको मृत्यु हुन्छ । प्रतिवेदनमा ८० प्रतिशत भन्दा बढि नवजात शिशुहरुको मृत्यु समय अगाबै जन्म र जन्मदा हुने जटिलता वा निमोनिया र रक्तविकार जस्ता संक्रमणको कारण हुने गर्दछ । यस्तो प्रकारका मृत्युहरुलाई तालिम प्राप्त सुडेनी, सफा पानी, जन्मेको एक घण्टा भित्र स्तनपान, न्यानो काख र उचित पोषणमा पहुँच पुर्‍याएर रोक्न सकिने युनिसेफले जनाएको छ ।

नर्वेमा १० हजार मानिसहरुलाई सेवा दिन २ सय १८ चिकित्सकहरु, नर्सहरु र सुडेनीहरु छन् भने नेपालमा १० हजार मानिसहरुको सेवाको लागि २ दशमलव ३ जना मात्र व्यवसायिक स्वास्थ्यकर्मीेहरु उपलब्ध छन् ।

युनिसेफले हरेक बच्चा जीवित विश्वव्यापी अभियान मार्फत् युनिसेफले सरकारहरु, स्वास्थ्य सेवा प्रदायकहरु, दाताहरु, नीजि क्षेत्र, परिवारहरु र व्यवसायीहरुलाई हरेक बच्चाहरुलाई जीवित राख्न अपिल समेत गरेको छ ।

अपिलमा पर्याप्त संख्यामा सुत्केरी र नवजात शिशु स्याहारमा निपूर्ण चिकित्सकहरु, नर्सहरु र सुडेनीहरु भर्ना, तालिम, व्यवस्थापन गर्ने, आमा र बच्चाको पहुँच पानी, साबुन, बिजुली सहितका शुद्ध र उपयोगी स्वास्थ्य सुविधाहरुको ग्यारेन्टी गर्ने, हरेक आमा र बच्चालाई स्वस्थ जीवन शुरुवात गर्न आवश्यक औषधि र उपकरणलाई प्राथमिकतामा राख्ने, किशोरीहरु, आमाहरु र परिवारहरुलाई गुणात्मक सेवा माग गर्न र प्राप्त गर्न जागरुक बनाउन अपिल गरेकाे  छ।

    Comment Here!

Related NEWS
मुख्य खबर

‘म विधवा भएकै कारण छोरीको बेल विवाह गर्न पाइन’

–महिला खबर संवाद– नेपालमा अधिकांश एकल महिलाले श्रीमानको मृत्युपछि परिवार र समाजको लाञ्छना भोग्नुपरेको छ ।

गोपनीयताको गन्जागोल

हरेक व्यक्तिलाई आफ्नो निजी मामिलामा कसैको जबर्जस्ती हस्तक्षेपबाट निश्चित हदसम्म प्रतिरोध गर्ने अधिकार भएको कुरालाई

कमजोर हुनुहुन्न तपाईं, यसरी ठेगान लगाउनुस् हमला गर्नेलाई(फोटोफिचर)

–महिला खबर– ललितपुर । श्रीमती कुट्ने मध्ये अधिकांश श्रीमानले मदिरा सेवन पश्चात श्रीमतीलाई कुटपिट गर्ने गरेका

गल्ती श्रीमानको, सजाय श्रीमतीलाई

- मेनुका ढुंगाना- अछाम । बिना गल्ती एचआइभी संक्रमित भएकै कारण परिवार र समाजबाटै पाइएको भेदभाव

बोक्सी भन्दै पन्यूले डाम्ने पक्राउ

-महिला खबर- ललितपुर । रामेछापको लिखु तामाकोसी गाउँपालिका १ की बिरामी महिलालाई बोक्सी लागेको भन्दै पून्यू

Read more
ताजा अपडेट
© 2015.All rights reserved by mahilakhabar.com
%d bloggers like this: