नारी सर्बत्र पूज्येते: !!


प्रकाशित मिति :2018-02-11 15:21:49

– श्रीभक्त पौडेल ‘आफन्त’

सिमित नाराहरूमा
कथित स्वतन्त्रता भित्र
एक नजरबन्दी नारी
नियन्त्रित पुरुषत्वका
आदेश शिरोधार्य
गर्दै नमिठा घुटन र छटपटीहरूमा
जिउन बिवस नारी
घोषित अघोषित
स्वतन्त्रताकै लडाईं लड्दैछे
अधिनायक र अर्धसामन्तवाद
बिरुद्ध
निर्णायक संघर्षको शंखघोष गर्छे
किनकी
तोड्नुछ उसलाई
नैतिकताका घेराहरू
तिलहरी र सिन्दुरले छेकेका
सामाजिक पर्खालहरू !!
थाकिसकेकी छ नारी
कोटा र सिमान्तकृत घेराहरू भित्र
असहज सामाजिक श्वास फेर्दा फेर्दै
हो नारी चाहन्छे
कुरुती र कुसंस्कार बिरुद्धका युद्धहरू
बिस्फोट गराउन चाहन्छे
सामन्ती विरुद्धका
ग्रिनेड र बारुदहरू !
हो थाकिसकेकी छे नारी
कथित नारी सशक्तिकरण
नाराहरूमा
जुन २१ औं शताब्दिका लागि
नारीहरूको नाममा
पर्यावाची बनिसके
गोष्ठी र सेमिनारहरूमा
वर्षमा एकपटक आउने
विश्व नारी दिवसमा !!
अचम्म लाग्छ,
मन्दिरमा पुजिने नारी
घर आँगनमा अछुत हुन्छे
सृष्टिकी परिकल्पना नारी
मानवहरू नै लुच्छन्
दानवले नै नछोएकी नारी
आफ्नै आँगनमा शिकार हुन्छे !!
त्यसैले,
ए ! नारीहरू हो
समग्र जन्जिर र साङ्लो तोड्न
निस्क
तिमीलाई बन्दी बनाएका
सामाजिक संरचना फोड्न निस्क
कोटा र सिमान्तकृत होइन
बराबरी हक र अधिकारका आधार
खडा गर्न निस्क
कमजोर छैनौ, कमजोर नसम्झ
कमजोरी त तिम्रै सोचाई रहेछ
नानी छोरी बुहारी सासू
तिम्रा पहिचान होइनन्
किनकी तिमी थाकी सकेकी छौ
सुन्दा सुन्दै
नारी सर्बत्र पूज्येतेः !!

    Comment Here!

Related NEWS
मुख्य खबर

‘म विधवा भएकै कारण छोरीको बेल विवाह गर्न पाइन’

–महिला खबर संवाद– नेपालमा अधिकांश एकल महिलाले श्रीमानको मृत्युपछि परिवार र समाजको लाञ्छना भोग्नुपरेको छ ।

गोपनीयताको गन्जागोल

हरेक व्यक्तिलाई आफ्नो निजी मामिलामा कसैको जबर्जस्ती हस्तक्षेपबाट निश्चित हदसम्म प्रतिरोध गर्ने अधिकार भएको कुरालाई

कमजोर हुनुहुन्न तपाईं, यसरी ठेगान लगाउनुस् हमला गर्नेलाई(फोटोफिचर)

–महिला खबर– ललितपुर । श्रीमती कुट्ने मध्ये अधिकांश श्रीमानले मदिरा सेवन पश्चात श्रीमतीलाई कुटपिट गर्ने गरेका

गल्ती श्रीमानको, सजाय श्रीमतीलाई

- मेनुका ढुंगाना- अछाम । बिना गल्ती एचआइभी संक्रमित भएकै कारण परिवार र समाजबाटै पाइएको भेदभाव

बोक्सी भन्दै पन्यूले डाम्ने पक्राउ

-महिला खबर- ललितपुर । रामेछापको लिखु तामाकोसी गाउँपालिका १ की बिरामी महिलालाई बोक्सी लागेको भन्दै पून्यू

Read more
ताजा अपडेट
© 2015.All rights reserved by mahilakhabar.com
%d bloggers like this: