कुरीतिका कारण तीन महिनामा ४३ जनालाई यातना, ७ को ज्यान गयो


कुरीतिजन्य हिंसा बढ्दो क्रममाः सोच नेपाल

प्रकाशित मिति :2018-01-12 10:19:07

–महिला खबर–

काठमाडौं । देशमा कुरीतिजन्य हिंसाका घटना बढ्दो क्रममा छन् । मानववादी समाज (सोच) नेपालले कुरीतिका कारण देशभर भएका हिंसाका बारेमा नेपालका दैनिक राष्ट्रिय पत्रपत्रिकामा छापिएका समाचारलाई आधार मानेर गरेको विश्लेषणसहितको त्रैमासिक प्रतिवेदन अनुसार कुरीतिजन्य हिंसाका घटना बढ्दो क्रममा छन् ।

सोच नेपालले सार्वजनिक गरेको प्रतिवेदनका अनुसार अंग्रेजी संवतको गत ३ महिनामा (जुलाई, अगस्त, सेम्टेम्बर, २०१७) मा ४३ जनालाई कुरीतिका कारण शारीरिक र मानसिक हिंसा गरिएको छ । यो अवधिमा २ पुरुष र ५ महिलाको कुरीतिका कारण ज्यान समेत गएको छ । त्यस्तै ७ महिलालाई मानसिकरुपमा हिंसा गरिएको छ भने १७ जनालाई शारीरिकरुपमा हिंसा गरिएको छ ।

यो तीन महिनाको अवधिमा छुवाछुतका कारण भएका हिंसा अन्य कुरीतिका तुलनामा बढी (१२ वटा) भएका छन् । त्यस्तै छाउपडिबाट भएका ७ वटा हिंसाका घटना पत्रपत्रिकामा आएका छन् । कानुन नै बनाएर आपराधिक कार्य घोषणा गरिएको बोक्सी सम्बन्धि कसुरका ४ घटना सार्वजनिक भएका छन् ।

अधिकांश कुरीति सम्बन्धि हिंसाका घटनालाई स्थानीय प्रहरीमा लैजान भन्दा पनि गाउँमै मिलेमतो गरि मिलाउने चलन अझ पनि उत्तिकै मात्रामा पाइएको छ । कतिपय स्थानमा स्थानीय प्रहरीले समेत फौजदारी सरह मानिने कुरीतिजन्य हिंसालाई मिलेमतोमा दोषीलाई छुटाएका घटना सार्वजनिक भएका छन् ।

अघिल्लो त्रैमासिकमा ३४ वटा कुरीतिका घटना सार्वजनिक भएकोमा यस त्रैमासिकमा थप १० वटा कुरीतिका घटनाहरू सार्वजनिक भएका छन् ।

सोच नेपालले हरेक तीन महिनामा उक्त रिपोर्ट सार्वजनिक गर्दै आएको संस्थापक उत्तम निरौलाले जानकारी दिए ।

    Comment Here!

Related NEWS
मुख्य खबर

‘म विधवा भएकै कारण छोरीको बेल विवाह गर्न पाइन’

–महिला खबर संवाद– नेपालमा अधिकांश एकल महिलाले श्रीमानको मृत्युपछि परिवार र समाजको लाञ्छना भोग्नुपरेको छ ।

गोपनीयताको गन्जागोल

हरेक व्यक्तिलाई आफ्नो निजी मामिलामा कसैको जबर्जस्ती हस्तक्षेपबाट निश्चित हदसम्म प्रतिरोध गर्ने अधिकार भएको कुरालाई

कमजोर हुनुहुन्न तपाईं, यसरी ठेगान लगाउनुस् हमला गर्नेलाई(फोटोफिचर)

–महिला खबर– ललितपुर । श्रीमती कुट्ने मध्ये अधिकांश श्रीमानले मदिरा सेवन पश्चात श्रीमतीलाई कुटपिट गर्ने गरेका

गल्ती श्रीमानको, सजाय श्रीमतीलाई

- मेनुका ढुंगाना- अछाम । बिना गल्ती एचआइभी संक्रमित भएकै कारण परिवार र समाजबाटै पाइएको भेदभाव

बोक्सी भन्दै पन्यूले डाम्ने पक्राउ

-महिला खबर- ललितपुर । रामेछापको लिखु तामाकोसी गाउँपालिका १ की बिरामी महिलालाई बोक्सी लागेको भन्दै पून्यू

Read more
ताजा अपडेट
© 2015.All rights reserved by mahilakhabar.com
%d bloggers like this: