हराएका बालबालिका खोज्दै आमाहरु….


प्रकाशित मिति :2018-01-09 15:35:22

विगत १३ वर्षदेखि, प्रत्येक वर्ष ठूलो संख्यामा महिलाहरु मेक्सिकोको सिमातर्फ आफ्ना हराएका बालबालिकाहरुको खोजि गर्न करिव ४००० किलोमिटर (२४८५ माईल्स) सम्मको यात्रा तय गर्ने गर्दछन् । बालबालिकाहरु खासगरि बसाईसराई लगायत बिभिन्न कारणले हराएका हुन् । यहाँ फोटो पत्रकार ईन्कार्नो पिंडाडोले केहि महिलाहरुका दूःख तथा हराएका बालबालिकाहरु भट्ने आशा सहितका कथाहरु प्रस्तुत गरेका छन् ।

एल साल्भाडोर, ग्वाटेमाला, होन्डुरस तथा निकारागुवा जस्ता मध्य अमेरिकन देशहरुबाट आमाहरु क्याराभानमा सामेल हुने गर्दछन् । हराएका आफन्तहरु खोज्न, साँघुरो ढुङ्गामा जोखिम मोलेरै भएपनि उनीहरु मेक्सिको पार गर्दछन् । विगत १३ बर्षमा जबदेखि क्याराभानको आयोजना गर्न थालियो, २७० हराएका ब्यक्तिहरु पत्ता लागिसकेका छन् । ति मध्य ९०% पूरुषहरु छन् । महिलाहरुलाई यौन व्यापारमा लगाईने भएकाले भेटिने सम्भावना निकै कम हुन्छ । हराएका महिलाहरु पत्ता लगाउन यो अभियानले महिला यौनकर्मिहरुद्धारा सञ्चालित संस्थाहरुसँग समन्वय गरिरहेका छन् । चिन्न सजिलो होस् भनेर तिनिहरुले हराएका आफन्तहरुको तस्विरहरु ब्रथेल्स (यौन कोठी) मा राख्ने गर्दछन् ।

क्लेमेन्टिना मर्सिया गोञ्जालेज, विगत पाँच बर्ष देखि उक्त क्याराभानमा सहभागि भईन, जतिबेला उनका आफ्ना दुई छोराहरु (जर्ज १९८४ र मउरिको २००१) देखि हराइरहेका थिए । स्थानीय रेडियोको सहायताबाट उनले मउरिकोलाई त भेट्न सफल भईन तर जर्जलाई भने अझैसम्म खोजिरहेकी छन् ।

त्यसैगरि एडिट गुटिरेजको पनि आफ्नै कथा छ । उनको छोरा दुई पटक होन्डुरसबाट बाहिरिए । पहिलो पटक मेक्सिकोको जेतास नामक ड्रक्स माफिया समूहको अपहरणमा परे । यात्राका क्रममा थुप्रै मानिसहरुलाई मारिएको र जलाईएको आफ्नै आखाँले देख्दा साह्रै डराएको अनुभव गुटिरजसँग छ । उनको छोरालाई केहि समय सेनाले उद्दार गरि होन्डुरस फर्काएका थिए । तर फेरि अगस्ट २०१२ मा मानव तस्करलाई ३ हजार डलर दिएर सम्पर्क बिहिन बनाए । जो अहिलेसम्म बेपत्ता नै छन् ।

होन्डुरसबाट आफ्ना पितालाई भेट्न न्यूयोर्क हिडेका जोसु ईल्डेफोन्सु मोलिनाज जुनिगा पनि १५ डिसेम्बर २०१३ देखि मेक्सिकोको सिमानाबाटै सम्पर्क विहिन भए । उनलाई अहिलेसम्म पनि उनकी आमाले खोजिरहेकी छन् ।
होन्डुरसकी मारिया क्लेमेन्टिना भास्क्विज हर्नान्डेको कथा अलि फरक छ । सन् २००२ देखि उनकी छोरी मारिया ईनेज बेपत्ता छिन् । जो आफ्नो सानो छोरा छाडेर गएको १५ बर्षदेखि छोरीको खोजीमा छिन् । नाति हुर्काएर बसेकी मारिया भन्छिन् ‘अब त छोरीको अनुहार समेत सम्झन सक्दिन होला ।’

ओल्गा आफ्नो होन्डरस स्थित घरमा फर्किईनन् । उनले आफ्नो आमा पिलर एस्कोबर मेदिनालाई तापाचुला भन्ने ठाँउ जो मेक्सिको ग्वाटेमालाको सिमानामा पर्दछ, बाट फोन गरिन र भनिन् उनको त्यहि अन्त हुँदैछ । मेदिनाले उनको आवाज त्यसपछि कहिल्यै सुनिन् । तर अहिले पनि उनी ओल्गालाई भेट्ने आशामा खोजी गरिरहेकी छन् । एक जना अधिकारकर्मी भन्छन्, ‘बसाई सर्नेहरु प्यासले मर्नु भन्दा अघि, सर्पले डस्नभन्दा पहिला नै एक संगठित अपराधीहरुको हातबाट मारिन्छन्, अझ त महिलाहरु उनीहरुबाट निर्मम तरिकाले बलात्कृत हुन्छन् र मारिन्छन् ।’

मर्सिडिज लेमस पनि अरु आमाहरु जस्तै सन् २०१० को अप्रिल १६ देखि हराईरहेकी छोरी अन्ना भिक्टोरियालाई खोजिरहेकी छन् । गत बर्ष एक जना महिलाले अन्नालाई एउटा बारमा देखेको जानकारी गराईन र छिमेकीहरुले पनि अन्नाको तस्विर बार मालिकासँग देखेको निश्चय गरे । तत्पश्चात आमा लेमसले बारमा प्रबेशका लागि अनुमति मागिन तर प्रबेश गरे जिउँदो फर्किन नदिने धम्कि पाएर फकिन् ।
साभार: बीबीसी

    Comment Here!

Related NEWS
मुख्य खबर

श्रीमती र छोरीहरुले दिए डा. देवकोटालाई दागबत्ती

-महिला खबर- डा. देवकोटाको पार्थिव शरीरमा श्रीमती डा. मधु दीक्षित देवकोटा, छोरीहरु मेधा, बसुधा र मञ्जरीले

तेजाब छर्कने प्रहरी धरौटीमा छुटे

–महिला खबर– ललितपुर । चितवनको भरतपुर महानगरपालिकामा बसोबास गर्दै आएकी महिलालाई तेजाब छर्किएर घाइते बनाउने ट्राफिक

प्रहरी र निजामती सेवामा ५० प्रतिशत महिला

–महिला खबर– ललितपुर । प्रदेश नम्बर २ ले आफ्नो प्रदेशमा प्रहरी भर्ना गर्दा ५० प्रतिशत

देशमा शान्ति आएकै छैनः मन्दिरा शर्मा, अधिकारकर्मी

–महिला खबर संवाद– न्यायका लागि कानुनी लडाइँ लड्न चाहने महिलाको उजुरी लेखेर मुद्दा लड्ने काम पनि

महिला उद्यमशिलता विकास कोषको रकम बढाउ : उद्यमी महिला

-महिला खबर- ‘७७ जिल्लामा उद्यमी महिलालाई २ लाख ५० हजारका दरले मात्रै वितरण गर्दा पनि २७

Read more
© 2015.All rights reserved by mahilakhabar.com
%d bloggers like this: