हजुरआमाको बसीवियाँलो


प्रकाशित मिति :2017-12-05 14:37:36

-सर्मिला बुढाथोकी-

दोलखा । दोलखा गौरीशङ्कर गाउँपालिका वडा नम्बर ५ सुरीकी ८० बर्षीया हजुरआमा कोपिला गुरुङको दैनिकी अहिले राडी (भेडाको उनको विछ्यौना) बुनेर बित्ने गरेको छ । ‘बुढेसकालमा यसो बसीवियाँलो पनि हुने, घर खर्चको लागि धेरथोर सहयोग पनि पुग्ने भएकोले म त दिनभरी राडी बुनेर बस्छु’ कोपिला गुरुङले भनिन् ।

दोस्रो उद्योग दिवसको अवसरमा घरेलु तथा सानो उद्योग विकास समिति मुख्य शाखा कार्यालय दोलखाले सदरमुकाम चरिकोटमा आयोजना गरेको घरेलु उत्पादनको प्रदर्शनीमा आफूले बुनेको राडी बिक्रि गर्न आफै आएकी कोपिलाले भनिन्, ‘हात खुट्टा लागुन्जेल काम गर्ने त हो नी । काम गर्दा मन पनि बहलिन्छ, छोरा बुहारीलाई सहयोग पनि मिल्छ । त्यसैले दिनभरी राडी बुनेर बस्छु ।’

जेष्ठ नागरिक कोपिलाले बुनेको राडीको ३ देखि ५ हजारसम्म मुल्य पर्दछ । ‘मेहनत अनुसार त कहाँ पैसा आउछ र ?’ उनले भनिन्, ‘एउटा राडी तयार पार्न १५ दिनसम्म लाग्छ, मूल्य आउछ बढीमा ५ हजार । एउटा राडी बुन्न ५ किलोसम्म भेडाको उन लाग्छ ।’ भेडाको उन किलोको २÷३ सयमा किनेर ल्याई राडी बुन्ने गरेको गुरुङको भनाइ छ ।

दुःख गरेर राडी बुन्यो बिक्रि गर्नै मुश्किल । उहिलेको जस्तो मानिसले राडी नरुचाउने भएकोले पनि बिक्रिमा समस्या भएको गुरुङको बुझाइ छ । ‘अब त मानिसहरू थरी थरीको गलैचा नै राख्छन्’ गुरुङले भनिन्, ‘अनि किन किन्थे र राडी ।

घरमा आफूसँगै छोरा बुहारीले पनि राडी बुन्ने गरेको र यसको बिक्रिबाट नातीनातीनी पढाउन र घर खर्चमा केहि सहयोग हुने गरेको गुरुङ बताउँछिन् । ‘घरेलु उत्पादनलाई सरकारले नै सहयोग गरिदिए मेहेनत अनुसारको फल मिल्न सक्थ्यो की !’ उनले भनिन् ।

    Comment Here!

Related NEWS
मुख्य खबर

होचो कद तर अग्लो आचरणका श्रीमान

ज्याक स्कुटर हाँक्छन् । यशोदा पछाडि बस्छिन् । सँगसँगै घुम्छन् । डुल्छन् । अनि रमाइलो

आप्रवासीका श्रीमतीमा एचआइभी संक्रमण दर घटेन

–महिला खबर– एचआइभीको उच्च जोखिम रहेका समुदायमा एचआइभी र यौनरोगको वृद्धिदरमा क्रमशः सुधार हुँदै आएको छ

फौजदारी अभियुक्त पदमुक्त नहुने व्यवस्थाविरुद्ध सर्वोच्चमा रिट

‘फौजदारी अभियोग लागेको सांसद् पदमुक्त नहुने व्यवस्था संविधानको धारा १८ को उपधारा १ र

औषधि किन्ने पैसा नहुँदा नवजात जुम्ल्याहा शिशुको ज्यान खतरामा

–महिला खबर– जन्मिने मिति भन्दा २ महिना अघि नै जन्मिएका कारण शिशुको फोक्सोको विकास भएको छैन

महिलाको स्वरुप बिगार्ने विज्ञापन

रमिता खतिवडा नेपाली मूलधारका मिडियामै महिलाहरूलाई अत्याधिक मात्रै होइन, अनावश्यक र गलत ढंगले प्रस्तुत गरिएको छ

Read more
ताजा अपडेट
© 2015.All rights reserved by mahilakhabar.com
%d bloggers like this: