अमेरिकी राष्ट्रपतिलाई माझी औँला देखाउँदा महिलाको जागिर गयो


प्रकाशित मिति :2017-11-07 14:42:53

एजेन्सी। अमेरिकी राष्ट्रपति डोनाल्ड ट्रम्पलाई माझी औँला देखाउने महिलालाई जागिरबाट निकालिएको छ। गल्फ खेलेर ह्वाइट हाउसतर्फ फर्किँदै गरेका ट्रम्पलाई माझी औँला देखाउने साइकलयात्री जुली ब्रिस्कम्यानलाई जागिरबाट निकालिएको हो ।

ट्रम्पलाई औँला देखाउँदै गरेको उनको तस्वीर गत साता भाइरल भएको थियो। भर्जिनियामा अक्टोबर २८ मा ट्रम्पलाई औँला देखाउने ती साइकलयात्री जुली ब्रिस्कम्यान भएको खुलासा भएको छ।

ट्रम्पको मोटरकेडमा रहेका एक फोटोग्राफरले उनको फोटो खिचेका थिए, जुन लगत्तै भाइरल बनेको थियो। त्यही फोटोलाई उनले आफ्नो ट्विटर र फेसबुकको प्रोफाइल पिक्चरका रुपमा प्रयोग गरेकी थिइन्। त्यसपछि भर्जिनियास्थित अकिमा नामक कम्पनीमा विगत ६ महिनादेखि कार्यरत ब्रिस्क्म्यानलाई हाकिमहरुले बोलाएका थिए। ‘उनीहरुले भने, ‘तपाईंसँग हामी छुट्टिँदैछौँ’ उनले हफिंगटन पोस्टलाई भनेकी छन्।

उनको अश्लील हर्कतले सरकारी ठेकेदारी गर्ने कम्पनीलाई नोक्सान हुने भन्दै आफूलाई बर्खास्त गरिएको उनले बताएकी छन्। यद्यपि यसबाट आफूलाई कुनै दुःखेसो नभएको पनि उनले स्पष्ट पारेकी छन्। उनले आफू विरोधको तस्वीर बन्न पाएको खुसी रहेको पनि बताएकी छन्।

कतिपयले उनको विरोधको स्वरलाई दबाउन खोजिएको भन्दै सामाजिक सञ्जालमा असन्तुष्टि पोखेका छन्। यद्यपि भर्जिनियामा रोजगारदाताको इच्छाअनुसार कर्मचारीलाई जुनसुकै बेला बर्खास्त गर्न सक्ने कानुनी व्यवस्था छ।

    Comment Here!

Related NEWS
मुख्य खबर

होचो कद तर अग्लो आचरणका श्रीमान

ज्याक स्कुटर हाँक्छन् । यशोदा पछाडि बस्छिन् । सँगसँगै घुम्छन् । डुल्छन् । अनि रमाइलो

आप्रवासीका श्रीमतीमा एचआइभी संक्रमण दर घटेन

–महिला खबर– एचआइभीको उच्च जोखिम रहेका समुदायमा एचआइभी र यौनरोगको वृद्धिदरमा क्रमशः सुधार हुँदै आएको छ

फौजदारी अभियुक्त पदमुक्त नहुने व्यवस्थाविरुद्ध सर्वोच्चमा रिट

‘फौजदारी अभियोग लागेको सांसद् पदमुक्त नहुने व्यवस्था संविधानको धारा १८ को उपधारा १ र

औषधि किन्ने पैसा नहुँदा नवजात जुम्ल्याहा शिशुको ज्यान खतरामा

–महिला खबर– जन्मिने मिति भन्दा २ महिना अघि नै जन्मिएका कारण शिशुको फोक्सोको विकास भएको छैन

महिलाको स्वरुप बिगार्ने विज्ञापन

रमिता खतिवडा नेपाली मूलधारका मिडियामै महिलाहरूलाई अत्याधिक मात्रै होइन, अनावश्यक र गलत ढंगले प्रस्तुत गरिएको छ

Read more
ताजा अपडेट
© 2015.All rights reserved by mahilakhabar.com
%d bloggers like this: