नवजात शिशुलाई लक्षित गरि ‘स्नेह केन्द्र’ सञ्चालन


प्रकाशित मिति :2017-08-20 12:54:46

महिला खबर

सिरहा । आरेक नेपाल सिरहाले बाढी प्रभावित परिवार र विस्थापित परिवारका गर्भवती, सुत्केरी र नवजात शिशुहरुलाई लक्षित गरि ‘स्नेह केन्द्र’ सञ्चालन गरेको छ ।

बाढी प्रभावित महिला र बालिकाको सुरक्षाको लागि महिला र किशोरी मैत्री शिविर सञ्चालनको लागि पनि पहल गर्ने ओरेक नेपालले बताएको छ ।

महिला मानव अधिकार रक्षक सञ्जाल, मुक्ति नेपाल सिरहा लगायतका संघसंस्थाको संयुक्त पहलमा स्नेह केन्द्र सञ्चालन गरेको ओरेक नेपालले जनाएको छ ।

संस्थाले आमा र बच्चाको लागि पोसिलो खाना, न्यानो कपडा, बच्चा र आमाका लागि पोषण, सुत्केरी सरसफाई किट, सुत्केरी र किशोरीको लागी सेनीटरी प्याड कपडा वितरण गरेको छ । साथै सरसफाईका लागि साबुन , टुथ पेष्ट, ब्रस तथा महिला र बालिकाका लागि लुगा कपडा समेत प्रदान गरेको छ ।

स्नेह केन्द्रले गर्भवती , सुत्केरी, किशोरी र नवजात शिशुका लागि स्वास्थ्य परामर्श प्रदान गर्ने र बाढीका कारण रोगको संक्रमणबाट बच्ने उपायबारे जानकारी प्रदान गर्ने कार्य गरेको संस्थाले जनाएकोे छ ।

सिरहाको लहान नगरपालिकाका ५० घर बाढी पीडित र सिरहा नगरपालिका वडा नंम्बर एक बसबिट्टाका बाढी पीडितलाई पहिलो चरणमा यो राहातको प्याकेज वितरण गरेको ओरेक नेपाल सिरहाका कार्यक्रम संयोजक शुनिल कुमार शाहले बताउनुभयो ।

यसैगरी ओरेक नेपाल कैलालीले पनि बाढी प्रभावित परिवार र विस्थापित परिवारका गर्भवती, सुत्केरी र नवजात शिशुहरुलाई लक्षित गरि ‘स्नेह केन्द्र’ सञ्चालन गरेको कैलालीका  जिल्ला संयोजक बिनु रानाले जानकारी दिनुभएको छ ।

अाेरेक नेपाल कैलालीले  १६गर्भवती,१९ सुत्केरी, २१ नवजात शिशु,५ बालबालिका र १० जना जेष्ठ नागरिक स्नेह केन्द्रमा रहेकाे बताएकाे छ ।

 स्नेह केन्द्र सञ्चालनका लागि युएनएपीए,रेडक्रस सोसाइटी,दैविक प्रकोप उद्धर समिति,सुदुरपश्चिम महिला जागरण मन्च र सेती अञ्चल अस्पतालले सहयाेग गरेकाे संयोजक रानाले बताउनुभयाे ।

तस्वीर:स्नेह केन्द्र कैलाली

    Comment Here!

Related NEWS
मुख्य खबर

श्रीमती र छोरीहरुले दिए डा. देवकोटालाई दागबत्ती

-महिला खबर- डा. देवकोटाको पार्थिव शरीरमा श्रीमती डा. मधु दीक्षित देवकोटा, छोरीहरु मेधा, बसुधा र मञ्जरीले

तेजाब छर्कने प्रहरी धरौटीमा छुटे

–महिला खबर– ललितपुर । चितवनको भरतपुर महानगरपालिकामा बसोबास गर्दै आएकी महिलालाई तेजाब छर्किएर घाइते बनाउने ट्राफिक

प्रहरी र निजामती सेवामा ५० प्रतिशत महिला

–महिला खबर– ललितपुर । प्रदेश नम्बर २ ले आफ्नो प्रदेशमा प्रहरी भर्ना गर्दा ५० प्रतिशत

देशमा शान्ति आएकै छैनः मन्दिरा शर्मा, अधिकारकर्मी

–महिला खबर संवाद– न्यायका लागि कानुनी लडाइँ लड्न चाहने महिलाको उजुरी लेखेर मुद्दा लड्ने काम पनि

महिला उद्यमशिलता विकास कोषको रकम बढाउ : उद्यमी महिला

-महिला खबर- ‘७७ जिल्लामा उद्यमी महिलालाई २ लाख ५० हजारका दरले मात्रै वितरण गर्दा पनि २७

Read more
© 2015.All rights reserved by mahilakhabar.com
%d bloggers like this: