काठमाडौंमा दक्षिण एशियाली महिला सम्मेलन शुरु


दक्षिण एशियामा स्थानिय सरकार र राजनीतिमा महिला सहभागिताः लैङ्गिक समता एवम् न्यायको लागि महिला अधिकारको संरक्षण तथा प्रवद्र्धन

प्रकाशित मिति :2017-08-06 16:38:24

महिला खबर

‘दक्षिण एशियामा स्थानीय सरकारमा महिला सहभागिता’ विषयक दक्षिण एशियाली महिला सम्मेलन काठमाडौंमा आइतबार शुरु भएको छ । श्रावण भोलि २३ गतेसम्म संचालन हुने उक्त सम्मेलनको उद्घाटन पूर्व प्रधानमन्त्री तथा नेकपा एमालेका अध्यक्ष के.पी.शर्मा ओलीले गर्नुभएको छ ।

सम्मेलनको मुख्य उद्देश्य दक्षिण एशियामा स्थानीय सरकारमा महिला सहभागिता तथा महिला अधिकारको संरक्षण एवं प्रवद्र्धन तथा सुशासन र राज्यका सबै संयन्त्रमा महिलाको सक्रिय संलग्नताको सुनिश्चितताका लागि क्ष्ोत्रीय स्तरमा रणनीतिक योजना तय गर्न सहयोग गर्ने रहेको छ ।

सम्मेलनमा दक्षिण एशियाली मुलुकहरुका सांसद, नागरिक समाजका अगुवा तथा महिला अधिकारकर्मीहरु सहभागी भएका छन् ।

उद्घाटन कार्यक्रममा बोल्दै पूर्व प्रधानमन्त्री के.पी. शर्मा ओलीले महिलाको सशक्तिकरणका लागि ल्याइने धेरै कार्यक्रम सतही रहेका र सशक्तिकरणका लागि हाम्रो समाज र व्यक्तिका सोच तथा धारणामा परिवर्तन ल्याउन जरुरी रहेको बताउनुभयो । महिला अधिकारको संरक्षण र प्रबद्र्धनका सन्दर्भमा नेपालको उपलब्धि दक्षिण एशियामै अब्बल रहेको तर यतिले मात्र महिला अधिकारको लक्ष्य प्राप्ति नहुने कुरामा उहाँले जोड दिनुभयो ।

नेपालमा सय भन्दा बढी राजनीतिक पार्टीहरु रहेका तर नेकपा एमाले गरीब, दलित र महिलाको पक्षमा रहेको कुरा हालै स्थानीय तह निर्वाचनमा निर्वाचित ५३८९ दलित मध्ये ४७ प्रतिशत महिला रहनुले पनि पुष्टि गरेको उहाँले भन्नुभयो ।

कार्यक्रममा प्रमुख वक्ताका रुपमा आसामको गौहाटी विश्व विद्यालयकी प्राध्यापकजो आनाम जब्बिन सहभागी हुनुहुन्थ्यो । साथै कार्यक्रममा बंगलादेश, इण्डिया, माल्दिभ्स, नेपाल, पाकिस्तान र श्रीलंकाका सहाभागीहरुले दुई दिनको अवधिमा दक्षिण एशियामा स्थानीय सरकारमा महिला सहभागिता सन्दर्भमा आप्mनो राष्टको अवस्था र यसको समाधानका उपायहरुका बारेमा छलफल गर्नेछन् ।

    Comment Here!

Related NEWS
मुख्य खबर

श्रीमती र छोरीहरुले दिए डा. देवकोटालाई दागबत्ती

-महिला खबर- डा. देवकोटाको पार्थिव शरीरमा श्रीमती डा. मधु दीक्षित देवकोटा, छोरीहरु मेधा, बसुधा र मञ्जरीले

तेजाब छर्कने प्रहरी धरौटीमा छुटे

–महिला खबर– ललितपुर । चितवनको भरतपुर महानगरपालिकामा बसोबास गर्दै आएकी महिलालाई तेजाब छर्किएर घाइते बनाउने ट्राफिक

प्रहरी र निजामती सेवामा ५० प्रतिशत महिला

–महिला खबर– ललितपुर । प्रदेश नम्बर २ ले आफ्नो प्रदेशमा प्रहरी भर्ना गर्दा ५० प्रतिशत

देशमा शान्ति आएकै छैनः मन्दिरा शर्मा, अधिकारकर्मी

–महिला खबर संवाद– न्यायका लागि कानुनी लडाइँ लड्न चाहने महिलाको उजुरी लेखेर मुद्दा लड्ने काम पनि

महिला उद्यमशिलता विकास कोषको रकम बढाउ : उद्यमी महिला

-महिला खबर- ‘७७ जिल्लामा उद्यमी महिलालाई २ लाख ५० हजारका दरले मात्रै वितरण गर्दा पनि २७

Read more
© 2015.All rights reserved by mahilakhabar.com
%d bloggers like this: