घट्दै छ छोरीको जनसंख्या


प्रकाशित मिति :2017-07-13 14:55:48

खेमा बस्नेत

काठमाडौं । नेपालमा पछिल्लो समय छोराको तुलनामा छोरीको जन्मदर घट्दै गएको देखिन्छ ।

विभिन्न अस्पतालमा जन्मेका बालबालिकाको तथ्यांकलाई हेर्दा छोरीको जन्म कम भएको देखिएको हाे । विश्व स्वास्थ्य संगठनको अनुसार १०० जना छोरीको जन्म हुँदा १०५ जना छोरा जन्मनुपर्दछ । शिशु अवस्थामा छोराको तुलनामा छोरीको रोगसँग लड्न सक्ने क्षमता(इम्युनिटी पावर) बढी हुने भएकाले पनि यस्तो आधार तय गरेको हो ।

देशभरका अस्पतालहरुमा जन्मने छोरीको संख्या घट्न थालेपछि जनसंख्याको जैविक सन्तुलनमा समेत गडबड हुने देखिन्छ ।

नेपालका विभिन्न अस्पतालमा अहिले १०० छोरा जन्मिदा ८०\८५ जनाको हाराहारीमा मात्र छोरी जन्मिएको देखिन्छ ।

स्वास्थ्य सेवा विभागको २०७२/०७३ तथ्यांक अनुसार नेपालमा वर्षमा एक लाख ४३ हजार ४६५ बालिका जन्मदा एक लाख ४७ हजार ५०९ बालक जन्मिएका छन् । यो तथ्थांकलाई विश्लेषण गर्ने हो भने ४ हजार ४४ जना बालक बालिकाको तुलनामा बढी हो ।

आ.व २०७२/०७३ मा प्रसुती गृहमा १८ हजार ३ सय १२ जना बालबालिकाको जन्म भएको छ । जसमा बालिका ८ हजार ३ सय ८५ (४६%) र बालक ९ हजार ९ सय २७ (५४%) जन्मीएका छन् । त्यसैगरी आ.व २०७१/०७२ मा १८ हजार ८ सय १३ बालबालिका जन्मेकोमा बालिका ८ हजार ६ सय २१ (४६%) र बालक १० हजार १ सय ९२ (५४%) रहेका थिए ।

सिविनले आ.वर्ष २०७२/०७३ जिल्ला जनस्वास्थ्य कास्की, भरतपुर अस्पताल, मध्य पश्चिमाञ्चल क्षेत्रीय अस्पताल र महाकाली अञ्चल अस्पतालमा गरेको अनुसन्धानले पनि बालिकाको जन्म बालकको भन्दा कम देखाएको छ ।

१३ हजार ४७९ जना बालिका जन्मेकोमा १६ हजार १०६ जना बालकको जन्म भएको छ ।

त्यसैगरी आ.व २०७२/०७३ चैतसम्मको तथ्याङ्कले भक्तपुर अस्पतालमा ६४० जना बालकको जन्ममा ५६१ बालिका जन्मिएका छन् ।

ओम अस्पताल आ.व २०७२/०७३ जेठसम्म ६३७ बालक र ५२७ बालिका जन्मिएको तथ्यांक छ । त्यसैगरी पाटन अस्पताल आ.व २०७२/०७३ जेठसम्म ३२७७ बालक र २९०३ बालिका जन्मिएका छन् ।

नेपाल जनसंख्या संघका अध्यक्ष तथा त्रिभुवन विश्वविद्यालयका सहप्रध्यापक डा.केशव प्रसाद अधिकारीले नेपालमा छोरीको जनसंख्या घट्दै गएमा जैविक तथा लैगिंक असन्तुलन हुने बताउनुभएको छ । ‘शहरी क्षेत्रका हुनेखाने वर्ग र सचेत वर्गमा छोराछोरीको विभेदका कारण छोरीको  संख्या कम हुँदै गएका छन् । समाजमा लिंग पहिचान गर्ने प्रवृतिले छोरीको  संख्या हराउँदै गएका छन्’ डा.अधिकारीले भन्नुभयो ।

छोराको चाहानले लिंग पहिचान गरी भुण हत्या गर्ने प्रवृतिका कारण छोरीको जन्मदर कम भएको हो । सन् २०११ को नेपाल जनसंख्यक तथा स्वास्थ्य सर्वेक्षणमा धेरै दम्पतीहरु पहिला र अन्तीम बच्चालाई गर्भपतन नगराउने पाइएको छ ।

‘सन् २०११ को नेपाल जनसंख्यीक तथा स्वास्थ्य सर्वेक्षणमा धेरै महिलाहरुले बिचको गर्भलाई पतन गराएका छन् अर्थात लिंग पहिचान गरी छोरी छ भने गर्भपतन गराउने गरेको त्यो सर्वक्षणलाई विश्लेषण गर्दा बुझिन्छ ’डा.अधिकारीले भन्नुभयो ।

उहाँले गर्भपतन सम्बन्धि बनेको कानुनी कार्यान्वय र समाजमा छोराछोरी माथि हुने विभेद हटाउनुपर्नेमा जोड दिनुभयो । यसरीनै यो तथ्यांक बढ्ने हो भने भोली नेपाली समाज छोरी हराएको समाज बन्न सक्ने भन्दै उहाँले चिन्ता व्यक्त गर्नुभयो ।

नेपाल मेडिकल काउन्सीलका अध्यक्ष डा.धर्मकान्त बास्कोटाले लिंग पहिचान गरेर गर्भपतन गराउने डा. नुतन शर्मालाई कारबाही गरेको बताउनुहुन्छ । उहाँले डाक्टरको क्लिनिक क्लिनिक गएर कारबाही गर्न नसक्ने हुदा उजुरी परेमा यस्ता घटनाको कारवाही गर्ने बताउनुहुन्छ ।

    Comment Here!

Related NEWS
मुख्य खबर

गर्भमा छोरी भएको थाहा पाएपछि श्रीमतीको हत्या

–महिला खबर– पाँच महिनाको गर्भ परीक्षण गर्दा अञ्जलीको गर्भमा छोरी भएको थाहा भएको थियो । छोरी

उजुरी लेख्न २ सय नहुँदा प्रहरीकै अगाडि रुवाबासी

–महिला खबर– ललितपुर । प्रहरी कहाँ श्रीमान पक्राउ गरी पाउँ भन्ने उजुरी दिन आउँदा पनि निबेदन

एसिड छ्याप्ने प्रहरीलाई मुद्दा दर्ता

–महिला खबर– ललितपुर । चितवनको भरतपुरमा महिलामाथि एसिड छ्याप्ने ट्राफिक प्रहरीलाई सोमबार ज्यान मार्ने उद्योगमा

दाईजो माग्दा ७ वर्ष जेल

२२ वर्षकी भारतीले दाईजो कम ल्याएको भन्दै श्रीमान् लगायत परिवारका सदस्यहरुले पीडा दिएका कारण सहन

‘करोड भन्दा बढी दाइजो फिर्ता’

–महिला खबर– ललितपुर । धर्ममा दाईजोको विषयमा केही उल्लेख नभए पनि व्यवहारमा भने दाईजो व्याप्त रहेको

Read more
ताजा अपडेट
© 2015.All rights reserved by mahilakhabar.com
%d bloggers like this: