दुई दिनमा दुई महिलाको हत्या


जनप्रतिनिधि भएकी श्रीमतीको हत्या, श्रीमतीको टाउसहित प्रहरीकोमा

प्रकाशित मिति :2017-07-11 14:29:13

महिला खबर

काठमाडौं । रुकुमको पुथाउत्तरगङ्गा गाउँपालिका, ७ जाङकी दलित महिला सदस्यमा निर्वाचित (२७) बयानसरी कामीको हत्याको आरोपमा प्रहरीले आइतबार उनकै श्रीमान तेजबहादुर (३८)लाई पक्राउ गरेको छ ।

स्थानीय तह दोस्रो चरणको निर्वाचनमा बयानसरी नेपाली काँग्रेसबाट वडा सदस्यमा विजयी भएकी थिइन् । बयानसरीले उम्मेदवारी दर्ता गरेदेखि नै दुवैबीच झगडा हुँदै आएको र आइतबार मदिरा खाएर मातिएका टेकबहादुरले सामान्य विवादमा आफ्नै श्रीमतीको हत्या गरेको जिल्ला प्रहरी कार्यालयका डिएसपी अङगुर जिसीले बताउनुभयो । बयानसरीले सपथ ग्रहण गर्न समेत पाइनन् ।

डिएसपी जिसीका अनुसार दुवैविच पहिलादेखी नै झगडा हुने गरेपनि बयानसरीले श्रीमानको विरुद्धमा यसभन्दा अगाडी उजुरी दिएकी थिइनन् । हत्या आरोपमा पक्राउ परेका तेजबहादुरले आफूले खुकुरी प्रहार गरेर श्रीमतीको हत्या गरेको स्वीकार गरेका छन् ।

यसैगरि, बाँके कोहलपुरका ४ बेलनपुरका अहमद अफतालले सोमबार राती जेठी श्रीमती फुलटन बेरुवा(२६)लाई झारफुक गर्न जाम् भनेर हत्या गरेका छन् ।

६–७ महिने दूधे सहित मध्येरातमा साइकल चढाएर केही पर पुरयाएका फुलटललाई श्रीमानले घाँटी रेटेर हत्या गरेको प्रहरीले जनाएको छ । हत्या गरेपछि श्रीमतीको टाउको लिएर अहमत इलाका प्रहरी कार्यालय कोहलपुर पुगेको प्रहरी नायव उपरीक्षक सुरेश कुमार काफ्लेले जानकारी दिनुभयो ।

अहमदले दुई श्रीमती हुँदा कचकच धेरै भएको भन्दै झारफुक गर्न जाने बहानामा जेठी श्रीमतीको हत्या गरेको स्वीकार गरेको प्रहरीले बताएको छ ।
प्रहरी घटनास्थल पुग्दा आमाको शरिर नजिकै दूधे बच्चा हिलोमा छटपटाउँदै रोइरहेको अवस्थामा भेटिएको थियो । प्रहरीले अहमद अफताब र उनकी कान्छी श्रीमतीलाई हिरासतमा राखेर थप अनुसन्धान भइरहेको जनाएको छ ।

    Comment Here!

Related NEWS
मुख्य खबर

गर्भमा छोरी भएको थाहा पाएपछि श्रीमतीको हत्या

–महिला खबर– पाँच महिनाको गर्भ परीक्षण गर्दा अञ्जलीको गर्भमा छोरी भएको थाहा भएको थियो । छोरी

उजुरी लेख्न २ सय नहुँदा प्रहरीकै अगाडि रुवाबासी

–महिला खबर– ललितपुर । प्रहरी कहाँ श्रीमान पक्राउ गरी पाउँ भन्ने उजुरी दिन आउँदा पनि निबेदन

एसिड छ्याप्ने प्रहरीलाई मुद्दा दर्ता

–महिला खबर– ललितपुर । चितवनको भरतपुरमा महिलामाथि एसिड छ्याप्ने ट्राफिक प्रहरीलाई सोमबार ज्यान मार्ने उद्योगमा

दाईजो माग्दा ७ वर्ष जेल

२२ वर्षकी भारतीले दाईजो कम ल्याएको भन्दै श्रीमान् लगायत परिवारका सदस्यहरुले पीडा दिएका कारण सहन

‘करोड भन्दा बढी दाइजो फिर्ता’

–महिला खबर– ललितपुर । धर्ममा दाईजोको विषयमा केही उल्लेख नभए पनि व्यवहारमा भने दाईजो व्याप्त रहेको

Read more
ताजा अपडेट
© 2015.All rights reserved by mahilakhabar.com
%d bloggers like this: